Part 62 of Acallamh na Senórach I

Corpus of Electronic Texts Edition

Acallamh na Senórach I (Author: Unknown)

ś 601

7953] Ocus rob h-í-sin adhaig déidinach feissi na Temrach, &

7954] ro badur ac ól & ac aibnius ann ind aidchi-sin, & ro eirgetar
7955] na sluaig 'arnamairech, & ro scailset fir Eirenn da crichaib &
7956] da cóicedaib féin & da n-inataib bunaid. Ocus at-racht rí Eirenn
7957] co moch arnamairech co Lic na n-Druad fri Temraig anairtuaid,
7958] & Bé Bind ingen Alaisc meic Aengusa, ingen rig Alban, a ben.

ś 602

7959] ‘IS áil lem-sa’, ar se ré mnái, ‘dul ar saer-chuaird Eirenn.
7960] & is áil lem do beith-si i Temraig ic frithailem na senórach
7961] arna ría ail nó aithis missi ó fheraib Eirenn.’ ‘Do-gentar a reir
7962] mar oirdechair-si & mar adérat féin’, ar in rigan. Ocus tangadur
7963] araen rompo issin tech i r-rabadur na senoraig .i. Oissin
7964] & Cailte, & ro indis in rí doib-sin. Ocus is amlaid ro bói
7965] Oissin: iss é fer ba fial-náirige ro bói a n-Eirinn h-é, & adubairt:
7966] ‘Ní h-amlaid do-gentar, a rí’, ar eissium, ‘acht bíd do ban-cheile
7967] it' fharrud féin & aithin don rechtaire sinde.’ ‘Máss ed, tabair
7968] in rechtaire chucaind’, ar in rí; & tucad h-é féin & a ben ann.
7969] Ocus adubairt in rí ríu: ‘Ac seo mar ordaigim duib biathad na
7970] senorach .i. secht fichit bó do chur i fer-gurt gabala, & a m-blegon-
7971] sin dóib cach n-aidchi, & proind deich cét o feraib Eirenn doib
7972] a lind & a loim i Temraig, & fothrucud cach re lá, & esrad úrluachra
7973] ina lepdaib, & cona tair deired in lenna d' ól in tan bias
7974] in lind nua urlum acco. Ocus atait secht meic accut-sa’, ar
7975] rí Eirenn, ‘& muirbfither accum-sa iat & tusa leo da raib ní
7976] a n-airesbaid dóib.’

ś 603

7977] Annsin adubairt Oissin:

ś 604

7978] ‘Nir' h-inganta’, ar eissium, ‘Lighi ind Abaic a Temraig, da
7979] tictis fir Eirenn uile da fhegad, inar m-beith 'gar n-aithne ar
7980] Mael Muirir mac n- Dubain, ar rechtaire na Temrach, & do Chuarnait
7981] ingen Béccain Bóaire ar a mnái.’ ‘Ocus maith, a m' anam, a
7982] Oissin, cret eissein in t-abhacc?’ ‘Turchairthe flatha fuair Conn
7983] Cétchathach’, ar Oissin ‘.i. abhocc, & tri duirrnd Cuind Cetcathaig
7984] ina airde, & iss e fidchellach & brannaige as ferr do boi a
7985] n-Eirinn h-e. Ocus uile galra in domain do beith ar nech acht
7986] co tucad a lam air ro fhoirf(ed) {folio 195b2} & fir Eirenn do
7987] breith i láthair catha & comraic do- ghénad-sa sídh eturru, &

p.224

7988] cloch ro bói sunna i Temraig’, ar Oissin, ‘is uirre-sin ro bói a
7989] leapuid. Ocus ra h-ingnad dala a leaptha’, ar Oisin, ‘.i. in fer
7990] ba mhó d' feruibh Eirenn do bídh a choimsi i leapaid in abhuic,
7991] & in náidhe ba lugha do-gheibhthea ní bidh acht a coimsi
7992] innti. Ocus ba h-é-sin & in Lia Fáil bói i Temhraig dá ingnad
7993] na Temrach.’

ś 605

7994] ‘Ca h-ingnad ro bói ar in Lia Fáil?’ ar Diarmaid mac
7995] Cerbaill. ‘Gach aen ara m-biadh leith- br(ia)thar d' fheraibh Eirenn’,
7996] ar Oisín, ‘do-beirthea ar in leicc-sin h-é, & damad díleas é gile
7997] & dergi do-nídh do, & a chur ar in Lia Fáil & dámad ain-díleas
7998] h-é ball dubh do bheith a n-inad suaichnid fair. Ocus in tan
7999] ticedh rí Eirenn fuirre do ghéised in lecc fái co freacraitís prím-thonna
8000] Eirenn h-í .i. Tonn Clídhna & Tonn Tuaidhe & Tonn Rudhraigi.
8001] Ocus in tan ticced rí cóiced fuirre ro bhúiredh in lecc fái.
8002] Ocus in tan téighedh ben aimrit fuirre drúcht dubh- fhola no mhaidedh
8003] trempi. Ocus in tan téigedh ben do b
[...]
ticedh braen alaid
8004] tríthe.’ ‘(Ocus cia ro thócaib) in leac-sin nó ruc a h-Eirinn í’ ar
8005] Diarmaid mac (Cerbaill). ‘Oclach mór-menmhach ro ghabh ríge
[gap: text ends imperfect]
’