Corpus of Electronic Texts Edition

Cath Maighe Léna (Author: [unknown])

Section 114

1. Sída
   2033] ⁸⁶Sgéla let, a Deirg Damsa,
   
   2034] imthús in dá anglonn-sa?
   
   2035] Cinnas térnadar na tuir,
   
   2036] Conn is Eógan a h-én-muigh?

2. 
   2037] A ben, ná fiafraigh dím sgél,
   
   2038] fann sinn gé dho bámar trén;
   
   2039] co bráth ní fhaicfi do mac,
   
   2040] aird-rí Mumhan, Mogh Nuadhad.

---

p.78

3. 
   2041] ⁸⁷Créd do-chuaidh in mhedair mór
   
   2042] do bídh um Eógan ag ól,
   
   2043] curaidh Cliach, cobhlach fer Fáil ,
   
   2044] loinges armach a h-Espáin?

4. 
   2045] Fichi céd táinic ó thigh
   
   2046] Fraoch Mílesach mac Éibhir
   
   2047] do thuitsed le mac Úna
   
   2048] is le h-Eochaid Én-shúla.
5. 
   2049] ⁸⁸An uair do bámar, fá gnaí,
   
   2050] ar caín-mhaighlerg Maighe h-Aí ,
   
   2051] mac amail inac Mogha Néid
   
   2052] ní fríth d'éis Logha a lethéid.
6. 
   2053] Fuaramar Conn a n-uathad
   
   2054] a Tuillsci do thaobh Chruachan ;
   
   2055] dob uathad a cenn naí cath
   
   2056] curaidh Cruachan, fir Themrach.
7. 
   2057] Adubairt Conall re Conn,
   
   2058] 'roinnem in chrích co comthrom;⁸⁹
   
   2059] do mac Mogha Néid andes,
   
   2060] léig a rogha red reimhes
8. 
   2061] Do éirig ferg a Conn chas,
   
   2062] do chagain crann a gaí ghlais,
   
   2063] do shámaig a ég fo secht
   
   2064] ré n-Érinn do roind éinfhecht .

---

p.79

9. 
   2065] Atracht Conn ré n-a chath chruaidh
   
   2066] co tuc a chlé re Coill Ruaidh,
   
   2067] gur gab longphort 'n-ar comair
   
   2068] a taíb Ghlaisi Imomhain.
10. 
    2069] Eagail linne Conn Cruachan.
    
    2070] do léim oraind le h-uathad;
    
    2071] egail le sluagh Cuinn chubaidh
    
    2072] na dronga sa a Des-mumain.
11. 
    2073] {folio 14a. II}Atracht 'n-a réim Conn Cnodhbha
    
    2074] co tuc a druim re h-Odhbha;
    
    2075] léigmíd-ne a lenmuin na fer
    
    2076] co h-imlib oirrthir Laigen.
12. 
    2077] Ann sin do roinnsem Éire
    
    2078] ó tá in t-Áth Cliath go a chéile
    
    2079] gur ghabsum a Muigh Léna
    
    2080] bámar cuibhdhe cóim-thréna.
13. 
    2081] Ní sgaramar dár ngail ngúir
    
    2082] gur chlaidhemar aile n-úir;
    
    2083] gor thógsamar trí rátha
    
    2084] robsad buana bith-ghnátha.
14. 
    2085] Do-riacht chugaind Conn cródha
    
    2086] ceithre catha com-móra ;
    
    2087] gabadh longphort - nír lugh lem—
    
    2088] mar throm-thorc dó, mar dílend.
15. 
    2089] Conaire Caem cliamain Cuinn,
    
    2090] is Maicniadh nár fhaom urruim,
    
    2091] do thréigedar gan bháigh mbreth
    
    2092] Eógan caom tairbthech Taídhlech.

---

p.80

16. 
    2093] Táinic Conn na céd curadh
    
    2094] co moch fá maithib Muman
    
    2095] & na tréin-fhir ro thagh,
    
    2096] as suil do éirigh Eógan.
17. 
    2097] Atracht Fraech, ór buidech badhb,
    
    2098] do chaith co luath a lám-arm
    
    2099] a tús an gábaidh go gar,
    
    2100] ó nach tárraidh a threalamh.
18. 
    2101] Tucatar sin, leth ar leth,
    
    2102] aghaid ar Eógan Taídlech;
    
    2103] a thorann nír mhaoth 'sa magh,
    
    2104] gur thaoth Conall le h-Eógan.
19. 
    2105] Air cur air Connacht um Chonn
    
    2106] d'Eógan Mór fá cruaidh comlonn ,
    
    2107] ar ndíth a deóradh fá sech
    
    2108] do fríth Eógan go h-uaignech.
20. 
    2109] Trí caogaid dár dual ríghe
    
    2110] do rígraid Muman míne,⁹⁰
    
    2111] gur gonatar mál Midhe
    
    2112] do shluag mer na⁹¹ Mairtine.
21. 
    2113] T'athair-si Flann, mór in sgél,
    
    2113] cath ar maigh don rígh ro-thrén ;
    
    2115] Fiachaid Baiced, Eochaid tenn,
    
    2116] atáid na laighell : : .⁹²
22. 
    2117] Ní mór :::::: :::: :::::: ⁹³
    
    2118] Conn mac Feidhlimidh arm-ruaidh;
    
    2119] ní biú nís sia 'gá séna,
    
    2120] is iad sin ar n-aird-sgéla.


2121] S.G.E.L.A.