Corpus of Electronic Texts Edition
Cath Maighe Léna (Author: [unknown])

Section 107


1913] Is ann sin tuc Conn tulcán toirrsi uadha ann
1914] don chraísigh catha ro boí i n-a láim, co ndechaid
1915] trít ó ucht co formna; & ní ráinic leis an tshleg do
1916] tharraing an tan do thoit féin a cosair chró & manaís
1917] mór-nemhnech Moga Nuadad trít ón taoph co araile de.

p.73


1918] Agus nírb ingnadh a thuitim isna táim -néllaib sin, uair
1919] do bhí caoga cnedh com-marbthach neoch fá cnedha
1920] báis & baogail fair ó láimh Moga Nuadad ó bonn co a
1921] bathais, gurbo fuighell gae & claidim d'Eógan hé. Do
1922] sháidhset a slega uile a n-Eógan an lín do thuill i n-a
1923] thimcheall díb, gur thóguibset a n-airde ar a slegaib
1924] hé & do-rónsat guin ghalann de, co torchair leó ar in láthair
1925] sin; & do léigset a ilach cornmaídhmi ann sin. Agus
1926] adubairt Goll, ‘Léiccidh ar lár an laoch{folio 13b. I}-mílid,’
1927] ar sé, ‘& ní bás midh-laích aige.’ Agus ar toitim
1928] Eóghain do thuitset dá oirrígh Muimnecha dá leth-taíb
1929] .i. Laighell Luath-builledach & Fiacha Baicedha . Ro
1930] imthighedar ar mhair do Muimhnechuib & d'allmarchaib,
1931] & nír lenadh iad, uair gach nech nár marbadh do chathaib
1932] Cuinn ro bátar a ngonuib & a fuilibh innus nach roibe
1933] naonbhar in-gnímha nó in-shibail díbh