Corpus of Electronic Texts Edition
Cath Maighe Léna (Author: [unknown])

Section 105


1876] Do éirigh a uaill & do ardaigh a aicnedh 'm an
1877] am sin & do fhiuchatar a fholanna uaisle, & do thuairc &
1878] do thimchill Goll amail thimchellas féthlenn fidh nó
1879] seabac énlaith, co tuc Goll a osnadh écomhlainn ós aird.
1880] Is ann sin táncatar trí deichneabair diana dásachtacha
1881] dá choirp-fhine féin a fóirithin Guill .i. clanna Morna
1882] móir mic Garaidh Glún-duib, & tucsat arís guin gach énlaích
1883] ar Eógan, & ní dechaid duine díbh-séin gan guin
1884] díghla ó Eógan; & do fhregair a chomlann do Gholl.
1885] Táncatar colamain tenna na Temrach co nertmar
1885] náimdidhi d'innsaigid Eógain, & tucatar a n-uaisle-séin


p.72


1887] uile guin gach én-fhir ar Eógan, & riacht nech acu san
1888] gan álad ó Eógan; & do fhreagair a chomrac do Gholl.
1889] Táncatar comaltadha Cuinn iar sin co h-Eógan & tucatar
1890] guin gach éin-fhir fair, & tuc Eógan cumaín a ghona
1891] nó ní is uille do gach én-laoch aca san; & do fhregair
1892] comrac Guill gan fhuarad dá éis. Is ann sin tuc Goll a
1893] ilach míled ós aird, & freagrais Conall Cruachna, rí
1894] Connacht, sin, & gonais Eógan, & {folio 13a. II}ath-ghonais
1895] & tres-gonais Eógan eiséin ar n-a aithne gurbo h-othar
1896] eacute;ga dá éis é. Bliadain dó agá leighes a Cruachain, &
1897] fuair bás fá deóidh do neimh na n-áladh sin Eógain