Corpus of Electronic Texts Edition

Cath Maighe Léna (Author: [unknown])

Section 80

1446] ⁶⁸‘Agus as dursan damh an toisg lér chuirios iad;’
1447] & adubhairt an laoidh ann:—-

1. 
   1448] Dursan, a Eochaidh go n-aoibh,
   
   1449] dortadh fola ar thuinn do thaoibh,
   
   1450] gan bheith léd ré ad ruire ,
   
   1451] a mhic Criomhthuinn Chúl-bhuidhe.

---

p.57

2. 
   1452] A Fhiachaidh mhic Criomhthuinn chais
   
   1453] a h-iath Aidhne imiol-ghlais.
   
   1454] do loisg mo chroidhe gan cheilg
   
   1455] do chorpán fo chrú chró-dheirg.
3. 
   1456] Dearg bhurr n-aighthe, fionn bhur ccúil,
   
   1457] soillsi dreiche, doirche rúin,
   
   1468] garbh bhur lámhach a ccath chain,
   
   1459] mín bhur ndálála le h-ainnribh.
4. 
   1460] Dar nemh is dar talmhuin tréin ,
   
   1461] dar éuscca, dar gaoith, 's dar gréin,
   
   1462] nocha béarad céim ar ccúl
   
   1463] nó go ndernar cách d'iompúdh.
5. 
   1464] Éirigh, a Chonuill Chruachna,
   
   1465] gabh do sgiath fhor-dhercc fhuachdha,
   
   1466] roich go Magh Léna, líth ngal,
   
   1467] go nderna gníomh bhus dursan.