Corpus of Electronic Texts Edition
Cath Maighe Léna (Author: [unknown])

Section 59


1107] Do-rinned leó-sum ann sin trí múir oirechais
1108] d'ordugad & trí dúin tenna do thógbáil & trí cathracha
1109] com-daingne do chórugad. Acht chena ro tochladh
1110] {folio 8b. I} & ro toimhsed, ro cumadh & ro certaiged, ro
1111] snoided & ro slemhnaiged, ro delbad & ro daingniged, ro
1112] riaghladh & ro réidiged, ro dérgadh & ro doimniged; gurbo
1113] cothugad neirt re náimdib & gurbo sgarthain chríche
1114] re cinedhuib & gurbo delugad iatha re h-aicmedhaibh, na
1115] trí nescóide neimhnecha náimdemla nert-gáibthecha sin
1116] do gabáil ar tairsech Cuinn co n-a colamnaib. Co sgardaís
1117] ris trí buadha Breagh & trí muirne Midi & trí h-etirgleó
1118] oirechais Érenn .i. mór-dháil Uisnig & aonach Taillten
1119] & feis na Temrach