Corpus of Electronic Texts Edition
Cath Maighe Léna (Author: [unknown])

Section 57


1081] Is ann sin ro éirghedar laochraid mer Mairtine &
1082] curaid coim-thenna Cliach & catha cosnamacha Clidhna &
1083] óig-ríghraid na h-Espáine, & táncatar co pupall an aird-rígh
1084] Eógain, & is ed ro ráidset ris, ‘Is fada linne, a aird-rí,’
1085] ar iad-sum, ‘do bí cennas Temra ag Tuathal & Inis Fódla
1086] ag Feidhlimidh, & onóir ó chách do Chathaír, & na
1087] cóigid cco coitchenn ag Conn, Conall mac Aonghusa
1088] Feirt ag córugad maor for Mumuin, & forrán ag sluagaib
1089] Sinna for Siúir, & tarcuisne ag Breaghaib ar Bladhma, &
1090] maír Midhe for Maistin, & deisgert Érenn ag fognam co
1091] tenn don tuaiscert. Gurab aire sin is mithid linne Éire
1092] d'fhaicsin ar ar n-ordugad féin festa, & imle Ealga 'gár
1093] n-allmarchaib, ó tarrla againd fer taistil Temrach &


p.43


1094] laoch agallma Ulad, ar cur Chuinn dá chóir & Conaill
1095] dá chédfaid & Ulad dá n-uaill’