Corpus of Electronic Texts Edition
Cath Maighe Léna (Author: [unknown])

Section 49


961] Is ann sin ráinic Derg Damsa draí d'innsaige
962] Chuinn leis na comadhaibh ó chianaibh .i. leth Érenn
963] do Chonn, & nír labair Conn én-ghuth i n-a agaid.
964] Adubairt Conall re Conn freagra do thabairt ar in ollam.
965] Tucad a chomairlig co Conn ann sin .i. Conall & Goll
966] & fir na Cruachna & máil Muighi h-Ái; & maithi na Midhi.
967] & brugaid Breagh .i. fir Aithe & fir Odhba, fir Chnodhba
968] & fir Omna, fir Gabra & fir Chleitigh, fir Thaillten & Thailend,
969] fir Arach & fir Fhrémann , fir Mhálann & fir Bethra,
970] fir Theabtha & fir Thulach, Luaighne Temrach & clanna
971] Fomair . Fada dóib a comairli ann sin, & is aire do ansad,
972] leth Érenn do gabáil ó Mog Nuadad, co léigedh sé a

p.39


973] allmaraigh uadha, & iad-san do éirghi dó i n-a degaid sin;
974] {folio 7b. I} & dob í sin comairli Chonaire & Maicniadh do
975] Chonn. Agus do chomairlighedar cinnas do roinnfide
976] Éire eturra. ‘Do-fhetar-sa a roind chóir,’ ar Conall
977] Cruachna, ‘ó Áth Cliath Medhraige co h-Áth Cliath
978] Duiblinni.’ Agus do bás ag cengal na comronna sin an
979] adaigh sin eturra. Agus do bí egla anbáil roime a chéile
980] ar na cathaib, conid Glaisi Imomuin ainm na glaisi boí
981] eturra. Agus do éirghedar leth ar leth co moch ar n-a
982] márach, & do chenglatar a comroind & a sídh, & do
983] thógaibsed cladh comronna díb línaib ón Áth Cliath co
984] chéile .i. Eisgir Riata .i. sídha .i. ro shídhaigh an tóraind
985] sin Ére uile. Agus ro impó Mog Nuadad co n-a sluagaib
986] a Mumhain arís co menmnach móir-chédfadach