Corpus of Electronic Texts Edition

Cath Maighe Léna (Author: [unknown])

Section 30

612] ²⁴Acht atá ní chena, táinic Oilill féin a
613] n-inad eile i n-a aghaidh sin, ar guba Saidbi , uair adubairt
614] gur a nDún Eochair Máigi rucad é, ut dixit :—

1. 
   615] Dá dtugthaí mo roga dam
   
   616] do dúintib tenna in talman,
   
   617] robud í mo thoga thair
   
   618] is mo roga Dún Eochair .
2. 
   619] Is ann rugad mo chlann chain,
   
   620] mé bu déin & m'athair;
   
   621] is é ar n-urradhas gach fhir
   
   622] 's ar mbunadas Dún Eochair .