Corpus of Electronic Texts Edition

Cath Maighe Léna (Author: [unknown])

Section 25

502] ²⁰Agus ad-bert:—

1. 
   503] Anocht tig co fír ar fecht
   
   504] mo-chen tárraid a thoidecht;
   
   505] lethfaid a chlann tar magh Fáil
   
   506] mar ticfa anocht a n-Espáin.
2. 
   507] Éirig don trácht, a ainder,
   
   508] con-ciuchlathar do chainccen;
   
   509] do-géba tlacht corcra cain
   
   510] do bhradán Mhara Romhair.
3. 
   511] ²¹Benfa-sa don bradán bras
   
   512] a thlacht & a innmas;
   
   513] do-ghéna lend bus caoin dath
   
   514] dá mbia in t-ainm Eógan Taídhlech.

---

p.21

4. 
   515] Fuaigh sída co corrthair chais
   
   516] bus ferr don druine dreach-mais,
   
   517] do geim gloine lóghmuir luinn
   
   518] ar lasad ré n-a ghualainn.
5. 
   519] Amra iná gach mac in mac.
   
   520] dá ²²tiphra a Bera, do brat;
   
   521] adéra cách thiar is tair
   
   522] ‘A Eógain co n-il-dathaib.’
6. 
   523] Cúig anmanna in taídhlig taí ;
   
   524] Eógan Mór, Mogh Nuadad naoí,
   
   525] Eógan Fithecdha, ferr de,
   
   526] Eócchan Fial é ar a fhéile.
7. 
   527] Amra an rí tic isin tráigh
   
   528] iarfus céili a n-Esbáin
   
   529] glórdha iná gach tuir in torc
   
   530] gébus a n-oirer anocht.


531] A.