Corpus of Electronic Texts Edition

Cath Maighe Léna (Author: [unknown])

Section 7

121] ³Agus do gabustair Derg Damsa draí ag adhmolad
122] Eógain & ag maoidemh a ard-ratha d'éirge tar maithib
123] Muman; & adbert an laoí:—

1. 
   124] Eócchan Mór, ba mór a rath,
   
   125] comh-ard re Conn Céd-chathach;
   
   126] an dias sin fá caoime clú
   
   127] rannsat Éirinn etorru.

---

p.6

2. 
   128] Ro dersgnaigh Eócchan do Chonn
   
   129] ar ba comh-ard a gcomhlonn;
   
   130] ba lia biadh Eócchain Édair
   
   131] re seólad a síth-Grégaib ⁴.
3. 
   132] Ingen Fhlaind ben Mogha Néid
   
   133] ad-chonnairc aisling gan bréig,
   
   134] secht mba finna, buan a mbladh,
   
   135] d'fhaicsin a medhón Muman.
4. 
   136] Is sí taidbhsi tadbás dí
   
   137] 'san oidhchi 'n-a h-aislingi,
   
   138] co mblighfidhe ó na buaibh
   
   139] sáith fher n-Éirenn re h-aon-uair.
5. 
   140] ⁵Ad-chonnairc secht mba eile,
   
   141] dubha daora diablaide,
   
   142] a lorg na mbó finn fedba
   
   143] gur legsat a h-aon-menma.
6. 
   144] Is sí breth ruc an draí dí
   
   145] do mnaoí úir 'n-a h-aislingi,
   
   146] secht mbliadna sona, suth nglé ,
   
   147] secht mbliadna dona daidbre .
7. 
   148] Líntar leó-san lis lána
   
   149] co fithechaib for-lána,
   
   150] co nach beidís gan cuid chóir
   
   151] isin droch-bliadhuin dí-móir.
8. 
   152] Ro dhoirt orra in ghorta grinn,
   
   153] ba maith d'Eócchan an oirchill,
   
   154] co n-ithed cách a chéile
   
   155] sechnón Éirenn aigbéile.

---

p.7

9. 
   156] Ó 'd-chonnairc cách gér chian gar
   
   157] biad is⁶ linn ag laoch-Eócchan
   
   158] ro daorsat féin, féta in modh ,
   
   159] d'Eógan ar a n-anacol.
10. 
    160] Is de atá in sen-fhocal seng
    
    161] do-chualadar fir Éirend,
    
    162] as aithech cách gan deólad
    
    163] co dtí an bráth ag borb-Eógan.


164] E.o.cc.an