{MS folio 25a}Dia luid Niall dar muir sair co rainic Muir Icht amal ata
a n-inadh aile gur gab geill Alban & Saxan & Breatan & longport
ar bru abonn moire. Amal badar ann confacutar aroile fer
cuccu & brat corcra imbi & da sleig ina laim & sgiath for a
5]
muin, claidem for a cris, mong orbuighi fair. ‘Focen don Læch
nat aichgenmar ’, ar Niall. ‘Is ed doriachtamar’, or int oglach,
‘cid ma tucach? ’ ar Niall. ‘Dot acallaim-siu’, ol int oglach,
‘o Romanchaib & doticfaid a ngeill i cinn caicidhsi onniu
cucutsa co deach Gabrain rig Alban & misi lat a frit[h]geill
10]
co sisat.’
Luig Niall ar a culu iarsin. Intan iarum rainic i cum[foch]raib
dunaigh righ Alban, tic Gabran do feart[h]ain failte
fri Niall. ‘Misi lat’, ar Eochu mac Enna Cennselaig do decsin
mo rig & mo brathar ina righsuighi i fiagnuis[e] fer ndomain.
15]
Tiagait iarum co rancatar mullach sleibe & glenn eturru et in
longport. Is annsin isbert Gabran: ‘Is e siut in ri’ & is annsin
dorat Eocho [mac Énnai] Cinnsilaig saigit ina boga cen fis do
Gabran & rogab diubracha[d] seocha co tarla comt[h]rom tre
Niall co romarb d'oen-urcur. La soghain cat[h]aigit fir
20]
Saxan re Gædilu amal adubramar a n-inadh aile. Rocongansit
fir Alban re Gædelu ar connailbe cineoil & Bretnaigi ar feabus
a rig-sidhe, uair ba degbriathrach. Tecaidh Gædel- as
anair iarsin amal adubramar, conad dia cuimnigu[d] sin asbert
in fili & isi sin iarsin slic[h]t oigi[d] Neill:
- 25] 1] Niall mac Eachach indabaigh .
2] Eiriu & Alba fo traig
3] trisar gæt Saxain nach snéd .
4] o Eochaid mac Enna ain.
Feacht n-æn dia roibe coinne & comdal ic maccaib Neill
iar tiachtain doib tar muir anoir & iar roinn doib a ferainn iar
tiumna a n-athar amal doronsat, roimraidset aca cia dib no-rachad
sair do digail a n-athar ar Eochaid. Is do rainic do
5] {folio 25 b}
d'Fergus Annoit dul dia dighailt. Luighi side soir a
oenur amal each n-amus cena & a coridecht doní re bliadain
risin rig. Is annsin dorat ingen in righ .i. Boguine a ainm-siden
serc & gradh do Fergus Anoit & fiarfuigis in ingein
a slonnadh & a sgéla de. Innisi Fergus uile dí in fatha ara
10]
n[d]eachaid sair. Is annsin isbert an ingein fria Fergus: ‘Fo-geba-sa’,
ar sí, ‘bægal Eachach anocht icon fleidh, uair ata fled
icon righ & ig maithe in tire & biat-so erlam’, ar sí, ‘la himtecht
iar tocht at chrich & dot ferann’.
Foirbrigit in comairle. Iar tiac[h]tain tra d'Eochaid mac
15]
Enna imach astigh olo & se ar meisce, beirid in ingen fis co
Fergus & bratais inti Eochaid & marbais Fergus Eochaid &
benais a cenn dé. Luid Fergus ina curach iarsin & ind ingein
.i. Boguine & in cinn leis. O rancadar imach ar in fairrge, is
ann roairig in rí in gnim sin. Tecar ina diaigh & diubraic[th]er
20]
é amach do saigit & marbt[h]ar Fergus annsin. Tic in ingen
isin curach le seol na gaithi co Eirinn & cenn Eachach le & corp
Fergusa. Is ann dorala do maccaib Neill beith i coinne & a
comdail os ur na fairrge co tarrla in curuch chuca. Atciat in
curach cucu 'sin port, conid uaidib ainmnig[th]ir Benn Boguine,
25]
cona[d] de aisbert in fili:
- 1] Ni ro soifoilghid in fear.
2] Fergus Anoit co nilir mur
3] co cinn in fir robith Niall.
4] is fial dotæt ar cul.
Foidh Boguine iarsin ro mac eile do maccaib Neill & berid
30]
claind mor dó & fllet a sil beos a Tir Conaill & conadh í oigidh
Nell sin iar fir.