Suibhne
- 635] A Loingseacháin, liosda sin,
636] nochan úain damh t'agalloimh,
637] ní léig dhamh Rónán taobh friot,
638] as é domrad a n-ainriocht.- 639] Doradus urchar gan ágh
640] a lár an chatha ar Rónán,
641] co robhen isin chlog chain
642] robhaoi for ucht an chléirigh.- 643] Mar dotheilgius urchar n-án
644] do lár an chatha ar Rónán,
645] ced duit, ar an cléireach cain,
646] 'dul araén risna hénaibh.'- 647] Iarsin rolinges-sa súas
648] isin aéér eadarbhúas,
649] ní rolinges ó 'tú beó
650] æinléim badh héttromó.
- 651] Dá madh isin maidin múaidh,
652] isin Mairt a haithle an Lúain,
653] nochar úallcha neach anú
654] a leith re hóglách m'aosú.- 655] As iongnadh lem inní atchiú,
656] a fhir rodhealbh an lá aniú,
657] ceirt na caillighi ar an clár,
658] dá shúil lúatha Loingsecháin.'A