Corpus of Electronic Texts Edition
Orgain Néill Noígiallaig (Author: Unknown)

paragraph 11

Torna écess do Chíarrugu Lúachra, is hé ro alt49 Níall. Ó ro chúala immorra tasc a daltai do marbad, is ann atbert a chomalta .i. Tuirn mac Tornæ:
    1. In tan no théigmis do dáil
      la mac nEchach Muigmedáin,
      buididir bad sobairge
      folt bid for cind maic Cairne.
(.i. Cairenn Casdub ingen Sacheill Bailb di Saxanaib a máthair-seom Néill.) Asbert a muimme:
    1. A deóit gela, a beóil deirg,
      nád con-tursaig fó chomfeirg,
      a delb amail théthein tra
      tairced Hérind óclachda.
    2. Dath a grúaidi in cach mí
      díamtar cóire cosmailsi,
      sían, crú læig (líth cen on),
      foirccle caille cétamun.
    3. Amail éisce, amail gréin,
      amail tenndáil taitnem Néill,
      amail draic di thuind cen táir
      Níall mac Echach Muigmedáin.
    4. Is ceól sírectach in se
      gol cach cind la Cíarraige,
      cummaid chumaid forn 'nar taig
      do díth Néill húi Muiredaig.
    5. Ba mór subai, ba mór sáim
      bith hi cóemthecht do daltáin,
      ic mac Echach nirb ardis
      do dáil in tan no théigmis.