Part 9 of Orgain Néill Noígiallaig

Corpus of Electronic Texts Edition

Orgain Néill Noígiallaig (Author: Unknown)

paragraph 8

Ó ráncatar tra Sléibi Elpa, aba mór ar a cind .i. Liguir Slébi hElpa. Atróiset Luiguir co ndesetar impi. A mbátar ann co faccatar óenócclach cuccu. Bratt corccra cóicdíabuil³³ imme. Dí sleig cóicrinna ina lámaib. Cúarscíath bilech co mbúaile óir fair. Colgc ndét for a chris. A folt hi sním dar a aiss. ‘Fochen don læch nádgénamar!’³⁴ ‘Is ed doroachtmar’, ol sé. ‘Cid 'moa tóracht?’, ar Níall. ‘Dot acallaim³⁵ ó Rómánchaib’, ar sé. ‘Ocus al-lá sa hi cinn cóicthigeis doticfat a ngéill. Messe lat hi frithgille co tísat’.