Corpus of Electronic Texts Edition
Orgain Néill Noígiallaig (Author: Unknown)

paragraph 7

Luid dano Níall do saigid31 ríge co Letha32 & co hEtail conid aire asrubrad Nóigíallach de .i. cóic géill Hérenn & gíall Alban & gíall Saxan & gíall Bretan & gíall Franc. Inde dicitur:
    1. Mac Echach, ard n-orddan
      Níall nár, núall as gargam,
      gabais ríge rémenn
      Hérenn ocus Alban.
    2. Ethais gíall cach cóicid
      fó thír nÉrenn ardda.
      tuc fri réir cen terbba
      cethri géill a hAlba.
    3. Conid dé bæ dó-som
      hi toraib fían frithach
      fri ríad na ríg rathach
      Níall Nóigiallach nithach.