Corpus of Electronic Texts Edition
Orgain Néill Noígiallaig (Author: Unknown)
paragraph 4
Documlai íarum Níall co Laigniu ar slúagud & asbert ná ragad úaidib hi céin bad béo nó co tubarta6 dó Echuid i ngill7 & hi ngíallacht.8 Ocus ba sed són ba hécen. Co tucad sé co hÁth Fadat hi Fothartaib Fea for brú Sláine,9conda-farcbad 10 ar chind Néill & slabrad 'moa brágit & eithre na slabraidi 11 tría choirthi toll. Atnagat12 nói do chauradaib ina dochum dia marbad. ‘Fé ón immorro!’, ar Eochu. ‘Is olcc amein!’. La sodain focheird chor de co róemid in tslabrad i n-dé. Ethaid13 in luirg n-íairn ro bæ triasin slabraid & gaibthi 'na n-agid. 'Mussimber14 tra forthu in luirg, co torchratar a nónbur. Soidit15 ind fir ríam asin16 taulaig. Imsóat17 Lagin ina ndíaid. Focherdat a n-ár, co torchratar.