Corpus of Electronic Texts Edition
Lebor na hUidre (Author: [unknown])


9732] Comthoth Lóegairi co cretim & a aided adfét in scel so


9733] BAÍ comthinol fer nErend hi Temraig i n-amsir Lóegaire meic
9734] Neill. Is de im boí in comthinol sin occo im dála na creitmi.
9735] O desid iarom ógi na cretmi la firu Herend & o ro pridcastar Patraic
9736] soscela dóib & ro sáraiged Loegaire cona drúdib hi fertaib & hi
9737] mírbailib dermáraib do neoch doróni Patraic hi fíadnaisi fer nErend.
9738] conid íarom ro chreti & forusestar Loegaire ógréir Patraic. Ro luic
9739] dano in talam Loegaire druí tria brethir Patraic conid na chend
9740] chacait na huli coin tecait hi Temraig


9741] Asrochongrad iarom o Loegaire formna flathi fer nErend do
9742] thudecht i n-oenmagin fri hóentaid n-imacallma im chorus a mbescna
9743] & a rechtgai Dochós uadib co Patraic co tudchised don dáil A llathe
9744] didiu re tichtain do Patraic cucu immusnarlasatar fir Herend etorro
9745] monetir.


9746] Ceist or Loegaire friu cid as andsam .i. dolgi lib ro pridchastar in clerech
9747] dúib. Ni handsa. cáin dilguda or siat. ár ond úair gébas cach duni
9748] céill for dilgud dó aneich dogéna di ulc. ni bia commus for foglaid
9749] de sin & genaid .i. gonfid {folio 118a}cach fer araile ár nibá hecal leis a aitber fair Ceist
9750] didiu cid dogénaid fris sin or Loegaire. Cade do airlisiu immi ol íat.
9751] Is ed arric mo airse de ol se masa chomarli libsi .i. fromthar a aicned
9752] fessin ocaind immon ní ro forcan. .i. gontar nech dia muintir ara
9753] bélaib. mád día loga bemitni fora breith. mani loga im ní bemni
9754] forsind recht sin. Ro sudiged didiu a comarli Loegairi & fer nErend
9755] fer .i. Nuadu Derg dalta Loegairi iss e ros gon. sainrodach do guin ind arad boí ar bélaib Patraic amal tísad
9756] isin dáil. Dorigned iarom samlaid.


9757] Iarsindi didiu ro bíth in fer do muintir Patraic ara belaib oc tairléim
9758] dó asa carput. Dorecacha Patraic dochum nimi ar ba hand boí a
9759] socraiti. La sin ro gab crith & talamchumscugud mór insi Herend &
9760] a firu & ro lá in slúag boí isin dáil tara cend & ros gab crith & ómun
9761] dofulachta & doronait marbtís máirb


9762] La ssin didiu slechtais Lóegaire co dutrachtach co formnu fer nErend
9763] do Patraic. Ainmne ainmne a Patraic oldat fir Herend ro pridchais
9764] dilgud tabair dilgud dún. Tuc iarom Patraic óg ndilguda dóib.
9765] Gabthus iarom Lóegaire ainmchairdine Patraic and sin & bennachais
9766] Patraic hé & a síl.


p.294


9767] Tabair tra oldat fir Herend fri Patraic comarli dún immon ni sea .i.
9768] im cangin dilgotha cid dogénam immi. Ar in caingen forsa tairisfe
9769] ocainni innossa for siat is fair bías túath & eclas. & dano ol fir Herend
9770] recmaít a les sudigud & ordugud cach rechta lind cid i n-ecmais na
9771] caingni sin. A dénam samlaid ol Patraic tasfenad cách a dán hi
9772] fíadnaisi fer nErend. Is ans sin trá tarchomlad cach óes dána i
9773] nHerind cor tasfen cách a cherd fíad Patraic & fíad firu Herend.
9774] Rocurit dano a forbonna and sin úadib & ro córaigit ina téchtu.


9775] Do Dubthach macú Lugair dano ro herbad coceirt a mbreth
9776] íarna bennachad do Patraic & íar senad a gena co tanic rath in Spirta
9777] Naim fair. Conid hé ro taisfen filidecht & brethemnas & recht fer
9778] nErend olchena hi fíadnaisi Patraic. Nonbur airegda ro boí ocond
9779] ordugud sin. Patraic & Benen & Cairnech o eclais .i. tri epscoip.
9780] Loegaire mac Neill rí Herend. & Dáiri rí Ulad & Corc mac Lugdech
9781] ri Muman na tri ríg. Dubthach macu Lugair & Fergus {folio 118b}fili & Rus
9782] mac Tricim sui berla Féni.


9783] Is ed trá arrícht occo and sin im dála dilgotha .i. in bibdu & in
9784] cintach na chinaid & logad da anmaim .i.aithrigi do lecun dó & cen
9785] logad día churp .i. bás d'immirt fair. Ro ordaigset dano fir Herend
9786] a nemthiu and sin .i. cloc & salm do eclais. Geill do rígaib. Trefoclae
9787] techtae do filedaib. Aitgabáil do fennethaíb.


9788] Ni tabairthe tra co tanic Patraic erlabra acht do tríar .i. fer
9789] comcni cumnech díambad eól fresneis & aisnéis & scélugud. Fer
9790] cerda fri molad & aír. Brithem fri brithemnas ar roscadaib &
9791] fasaigib. O thánic Patraic im is fo mámmus atát nahí seo .i. do fir in
9792] berlai buain .i. inna canoni naími.


9793] Boí Loegaire trichait mbliadna iar sin i rrigi Herend hi comling fri
9794] Patraic & bá do réir Patraic chena boíseom. Luid iarom Loegaire
9795] slogad co Laigniu do chuincid na boromi foraib. Ro thinolset
9796] Lagin & doratsat cath dó & maiti for Loegaire in cath .i. cath Atha
9797] Dara. Ro gabad Loegaire sin chath & dobretha ratha fri Laigniu .i.
9798] grían & esca usci & aer. lá & adaig. muir & tír. conna íarfad in
9799] mboromi céin bad beó. Ro leced ass íarom.


9800] Is ed tra ro tairngired do Loegaire combad eter Erind & Albain
9801] fogebad a aidid conid de sin na deochaidsium muirchoblach riam.
9802] Luid tra Loegaire doridisi slogad már co Laigniu do saigid na
9803] boromi faraib. Ní thuc im a ratha di oid. O ranic iarom Grellaig
9804] nDa Phil for táeb Chassi i mMaig Liphi eter na dá cnoc .i. Eriu &
9805] Albu a n-anmand atbath and sin ó gin & o gaith & ona ráthaib
9806] archena. ar ní laemthe tudecht tairsiu isind amsir sin. conid de
9807] sin asbert in fili.


p.295

    1. 9808] Atbath Loegaire mac Neill
      9809] for táeb Chassi glas a tír.
      9810] duli Dé adroegaid raith
      9811] tucsat dal báis forsin ríg
    2. 9812] In cath i nAth Dara déin
      9813] i rragbad Loegaire mac Neill.
      9814] násad fír na ndúla De (?)
      9815] iss ed ro marb Loegaire.


9816] Tucad dano corp Loegairi anes iar tain & ro hadnacht co
9817] n-armgasciud isin chlud imechtrach airtherdescertach rigratha
9818] Loegairi hi Temraig hé & a aiged fodes for Laigniu oc cathugud friu
9819] ar ropo námasom na bíu do Laignib. Ba sí dano ráith Loegairi Tech
9820] Midchúarta in tan sin & is airi conaitechsom a adnacul and.


p.296