Corpus of Electronic Texts Edition
Lebor na hUidre (Author: [unknown])


2783] Aided Nath Í & á adnacol insó


2784] RO GAB Nath Í mac Fíachrach Herind & ro insaig co Slíab
2785] nElpa. Forménus ri Tracía tánic dia ailithri co Slíab
2786] nElpa isind amsir sin. Dorigned leis tor cathrach .i. do fótaib & clochaib & sesca
2787] traiged a ardde & óentraig déc úadsom co solsi & ro boíseom i
2788] mmedón in tuir & ní aced .i. Forménus grein na solsi. Tanic trá Nath Í .i. .i. is de atberthea a n-ainm sin fris conid Da Thi a ainm óndní is dathi gabálaid.
2789] cosin tor. Ro scailset tra muinter Nath Í in tor & ro airig
2790] Formenus in gaíth chuce. Ruc thrá Dia úadib Formenus ina
2791] dlúim thened míle chémend .i. míle chémend on tsléib sís atá Forménus on tur & ro guid Formenus in
2792] Comdid na bíad flathius Da Thí ní bád sía inná sin & ro guid nábad
2793] airdairc a ligi. .i. Nath Í Ní rabi trá do sáegul ocond ríg acht airet
2794] ro bás ac taithmech na cathrach in tan tánic saiget gelán do nim
2795] chuci co fúair a bas.


2796] Gabaid trá Amalgaid cennacht fer nErend & atnaig corp
2797] [H] a athar leiss. .i. da Amalgaid ro batar and .i. Amalgaid mac Fiachrach & Amalgaid mac Nath Í [M] Noí catha .i. cath Corpair .c. Cinni .c. Faili .c. Miscail .c. Larrand .c. Corde .c. Moli .c. Gremnis .c. Fornar. is iat sin na catha ro maidsetár re Nath I triana thaisbenad dona sluagaib is e marb. ro brissitár rempu anair. I nDéssib
2798] Temrach trá fúair Amalgaid a bás. .i. mac Nath I Tucad trá corp Da Thí
2799] anair coro hadnaiced hé i Crúachain. Cethror dano dá áes
2800] gráda tucsat in corp leo .i. Dungalach & Flandgus Tomaltach &
2801] Túathal. co fil for lár Óenaig Crúacan. amal ro follsig Torna
2802] Éces.

    1. 2803] Celis cách a Cruacho chróderg
      2804] cóemri Herend Da Thi mac Fiachach
      2805] fíalri ar muir ar tír
      2806] techtastár cách cara ríg
      2807] iathra ortar cách ní cheil.

      celis cách .a.

p.91


2808] Do Thornu Éces ro follsiged sin tria fisidecht íarna chur do
2809] feraib Herend algiusa fair immo fis cáit ro adnacht Da Thí conid
2810] and dorigni in retairic sea. & ro chan na runnu sa.

    1. 2811] Atá fótsu rí fer Fáil
      2812] Da Thí mac Fiacrach ind áig
      2813] a Crúachu ro chelis sin
      2814] ar Gallaib ar Goedelaib
    2. 2815] Atá fót Dungalach dían
      2816] tuc in ríg dar muir na rían
      2817] atá fót fallsigthe rath
      2818] Túathal & Tomaltach
    3. 2819] Tri meic Echach Fedlig find
      2820] atát it múr grind
      2821] & Eocho Airem fáen
      2822] arna marbad do Mórmáel
    4. 2823] atá Eocho Fedlech flaith
      2824] inti & Drebriu co daith
      2825] & Clothru ní céim aisc
      2826] & Medb & Muresc.
    5. 2827] Eriu & Fotla is Banba
      2828] tri ócmná aile amra
      2829] céin cor chaithsetar a feib
      2830] is i in Cruachu nodas ceil
    6. 2831] Mac Cuill Mac Gréni céim ngle
      2832] Mac Cecht ni lugu a lige
      2833] i rRáith Cruachan dodoscelt
      2834] ni cheil úathad in óenlec
    7. 2835] Laibraid Loingsech rí nád gand
      2836] Midir do Thúaith Dé Danad
      2837] Cobthach Cóel Breg líth ro lá
      2838] in fer uallach fot atá

      .a.

    8. 2839] Tóeb fri tóeb atá in rí
      2840] is Eocho Fedlech co llí
      2841] is Eocho Airem and so
      2842] isind leith túaid a Chrúacho
      9. {folio 92}

      p.92

    9. 2843] In nóem .i. Formenus ar togail a múir
      2844] atrubairt fris ina rúin
      2845] a ligi l^ a lecht and so
      2846] nibad airdairc a Chruacho
    10. 2847] Cóeca duma im Crúachain cuirr
      2848] ar in maig féraig forluind
      2849] dofil eter firu is mna
      2850] cóeca cacha duma atá.

      atá. f.


2851] Tanic tra Dorban fili dar Oenach Cruachan & baí ic tabairt
2852] comarli dar cnoccaib inn óenaig baí ica n-áirim tria fisidecht.
2853] Is é trá tosach tuc fair.

    1. Failet tri écis cen ail
      isind firt sa i n-oenchosair.
      Fland Dub Dorcha dubi a chuis
      ni chuala athgeoga
      [gap: illegible]
      is.
    2. Lugaid R(iab) nDerg in rí rán
      & Núada Argetlám
      ro adnaicit immalle
      Loc Ráith na Cruachna cairre
Failet fót tri eces Herend a ardcnuicc.
2854] Flan. Dub. Dorcha. Eocho fíal Fedlech a theóra ingena & a
2855] theóra meic & morfessiur úasal do síl Ugaine & [H] trí[M] meic
2856] Rossa Rúaid di Laignib má Ailill isinn óenuch & tri derbsethacha
2857] Ailella .i. Níam & Drucht & Dathe. [H] Atat dano tri ingena
2858] Ailella and. unde dicitur
    1. 2859] [M] Niam & Drucht is Dathi
      2860] tri ingena Roiss Achi
      2861] a secht mbráthir mór a teglach
      2862] má Ailill dar findBregmach
    2. 2863] Atat sin sin duma mór
      2864] fil isinn óenuch cen brón
      2865] iii. meic ríg Lagen lerda
      2866] la tri ingena delbda
    3. 2867] A árim nó a innisin
      2868] na fil fóthib do láechaib
      2869] nocon fil ic filedaib
      2870] & ní fil ic gáethaib

      4. p.93

    4. 2871] Cóeca duma demnigim
      2872] fil i nÓenuch na Crúachna
      2873] atá fé cach duma dib
      2874] .l. fer fírglan fúachda
    5. 2875] Iat tri réilce idlaide
      2876] relec Thailten re toga
      2877] relec Crúachan sírglaine
      2878] & relec in Broga.
    6. 2879] Cach cnoc fil sind Óenuch sin
      2880] atát foí laích is rígna
      2881] is écis is cudchaire
      2882] & mná glana gribda
    7. 2883] Slóg Connacht ba comromach
      2884] airecht fírálaind fúachda
      2885] alaind in cath congalach.
      2886] adnacht hi cathair Cruachna
    8. 2887] ni fil isin magin sein
      2888] cnoc i nOenuch na Crúachna
      2889] nách fert ríg l^ rígflatha
      2890] l^ mná l^ eces fúachda
    9. 2891] Adnaicthe slóg roMidi
      2892] ar lár in Broga túathaig
      2893] no adnaictis ardUlaid
      2894] isin Taltin co Lúachair (?)
    10. 2895] FírUlaid ria Conchobor
      2896] adnaicte hi Taltin riam
      2897] [H] co bas in fir forburaig
      2898] [M] día ndechaid dib a niam.

      Níam .&.


2899] Mathi Ulad ria Conchobor i Talten ro adnachta .i. Ollam
2900] Fótla & morfessiur leiss dia maccaib & dia uíb & co ndréim aile
2901] do mathib Ulad. Uasli .i. cenmotha morfessiur ro had
[gap: extent: 5 letters]
 diib hi Talt
[gap: extent: 1 letter]
n Túathe de Danand isin brug .i. Lug &
2902] Óe mac Olloman & Ogma & Carpre mac Etaine & Etan .i. banfili fein &

p.94


2903] in Dagda & a tri meic .i. Aed & Oengus & (Cerm)ait & sochaide mór archena do Tuaith De
2904] Danand & Fer mBolg & caich archena. Rígad cóicid Galiam i
2905] nÓenuch Ailbi. Rígrad Muman i nÓenuch Cúli i nÓenuch
2906] Colman & Feci. Cland Dedad hi Temair Erand. Rígrad
2907] Chonnacht hi Crúachain ut diximus {folio 39a} [H] Cóeca cnoc in cech
2908] óenuch díb sin. Cóeca cnoc ém i nÓenuch Cruachan & .l. cnoc i
2909] nÓenuch Talten & l. i nÓenuch in Broga. It iat so im filid Connacht
2910] .i. Dorban & Flaithcius fili. & Oengus fili a Gnoí .i. i n-iatur Conacht ita .i. Delmna Tiri da Locha in lucht sin. Torna
2911] Eces & Scalan mac Eogain in fili & Dathen eces ro marb in bili. is de
2912] ata Bili Dathen hi tír Mani is fris atberar Bili Scathen indiu.


2913] Atat trá in lucht sin ule i nOenuch na Cruachna. & atá and ardri
2914] in choicid .i. Ailill mac Mata Muresci & a sétig .i. Medb ingen Echach
2915] Fedlig íarna breith a fert Medba dia muntir ar ba hairegdu leo a
2916] hadnacul hi Cruachain. Ní thic dim a n-áirim uli. Is and
2917] ro hadnacht Da Thí ardri Herend & is inti atat in lucht ro turim
2918] Torna Éces. Cíarraigi a diri.


2919] Fland tra & Eochaid eolach hua Cérin is iat ro thinolsat so a
2920] llebraib Eochoda hui Flandacan i nArd Macha & a llebraib Manistrech
2921] & asna lebraib togaidib archena .i. asin Libur Budi testo asin carcar i
2922] nArd Macha & as in Libur Girr boí i mManistir & is side ruc in mac
2923] legind leis i ngait dar muir & ni fríth riam di éis. Conid senchas na
2924] relec insin.

p.95