Corpus of Electronic Texts Edition

Lebor na hUidre (Author: [unknown])

MESCA ULAD

[gap: chasm in MS]
1430] dianda tairle mo lorgsa mairfidus Is messe ol Triscoth.
1431] Nách fer díb donecuchussa co handíaraid atbélat a beóil.
1432] Is messe ol Reordae drúth. Is messe ol Nia natrebuin chró.
1433] Is messe ol Daeltenga. nechtar nátharni nod ra ol Dub &
1434] Rodub. Cotréracht cach fer díarailiu imbi. Nacha foglúesed
1435] ani sin ol Sencha. Fer dongegat Ulaid cinip é gaiscedach
1436] bas dech bes and. is é nod raga. Cía uanni son ol Ulaid.
1437] Cu Chulaind ucut cenip se gaiscedach bas dech and is hé nod
1438] raga. Frisnerachtatar iarom isin les & Cu Chulaind remib.
1439] Inn é in genid seo as dech gaisced la hUltu ol Fintan. La
1440] sodain lingid Cu Chulaind i n-ardai co mboí for tulchinniu ind
1441] lis. & forróebling a gaisced forsind aurdrochut con torchartár dia
1442] n-ailchengaib in gaisced ro bátár isin dún. Ructa iarom hi tech
1443] ndarach cúachlete & comla ibair aire i mbatár tri fertraigid dia
1444] tiged. & da drolam íaraind esse. & indber íarind arin dá drolam
1445] sin. Ro hesrad a tech di cholctib & brothrachaib. Dobert Crom
1446] Deroil a ngaisceda inna ndíaid. & sudigthi. & arrocabar gaisced
1447] Con Culaind úasaib. Tessaigid indlat dóib ol Ailill. & dobert
1448] coirm & bíad doib comtar mesca. Dodasathiged Crom Deróil
1449] béos dús i mbuí ní bad áil dóib. Ó raptar mesca benais Sencha
1450] bascrand. contúasiset fris uli. Tabraid tra for mbennachtain
1451] forsin flaith donfáncid iségonnae ro both frib. ní lám i ngort
1452] mbocht is imda coirm & bíad dúib lasin fláith donangid nírbu
1453] écen a rád fri urgnam. Is fir són ol Dóeltenga. Tongusa a
1454] toinges mo thúath nádcon ricfaid far tír co bráth. acht a mbertae
1455] eóin úaib inna crobaib acht fir Herend & Alban co aitrib for tíre
1456] & do breith for mban & for set & do brisiund cend for mac fri
1457] clocha. is de asbreth Fergus for Tána inso

1. 1458] Léic ass Dubtach nDoeltengad
   1459] ar cul in tslúaig no srengaid{folio 19b}
   1460] nocon dergeni nach maith
   1461] ro geogain in n-ingenraith.

---

p.51

2. 1462] Ferais echt ndochlae ndobail
   1463] guin Fiachaig meic Concobair
   1464] nibu amru ro cloth dó
   1465] guin Mani meic Fédelmtheó
3. 1466] Rigi nUlad ni chosnai
   1467] mac Lugdach meic Casrubai
   1468] iss ed dogní fri doini
   1469] annad ruba contsuidi.

1470] Ni gó aní sin trá ol Dubthach décidsi a tech dia daigni & a
1471] ndúnad fil ara tech. Nach facthi cid áil dúib dul ass níp thá
1472] cumac dó. Is mebol damsa indosso mani fuil imorbága imar
1473] tobairt immuich. acht nammá in láech ucut as dech gaisced
1474] la hUltu rofestar fis scél úadib.

1475] Cotrosci Cú Chulaind & ró lá [H] cor n-iach n-erred[A] de i
1476] n-ar [H] da co ruc a chléthe n-óchtarach din tig co mboí for cléthiu
1477] in tigi aile co n-accae in slóg sís úad. Doralsat óenclár catha
1478] foraib día tobairt. Dobert Ailill a druim frisin comlaid día
1479] n-anacol. Gabsit a secht meic a láim an dorus. Dommemaid in
1480] slóg for lár ind lis. Tolluid Cu Chulaind coa muintir & dobert a
1481] luie frisin comlai co lluid a chos trethe co rice a glún. Mád do
1482] ben doléced ol Dóeltenga no biad ina lligu. Tobert Cu Chulaind
1483] a lue afridisi co mboí a n-imdorus isin tenlug fó. Fresdiadam
1484] ol Sencha. iss ed bias and olso Cu Chulaind. Cach n-ada as ada
1485] do ócaib oc comruc bíd ocaib. tofil fair celiu chucaib sund.
1486] Cate far n-arle .i. for comarli ol Sencha. tocraid for ndrommand fri fraigid uli
1487] & bíd a gaisced ar bélaib cáich & erbaid óenfer dá n-acallaim.
1488] Mád trummi turcbáil a ndubí fochartaid a tech díb. Cia
1489] atagegalldathar .i. acaillfes ol Sencha. Atagegallarsa of Triscoth. Nách
1490] fer díb donécucussa atbélat a beóil. Batár a chéli oc airli a
1491] n-airle .i. oc denam a comairli immuich.

1492] Ceist cia atageglathar & cetnaraga cucu isa tech ol ind óic
1493] ammuich. Ragatsa ol Lopán. Luid iarom Lopan isa tech cucu
1494] nonbor dó. In laich sin láechu ol se. iss ed ar in laích. In fer
1495] co cind a chéli ol Driscoth. Fír fír. Driscoth sund {folio 20a}oc erlabrai
1496] Ulad ni fuil aurlabrai mathi leo chenae. Danéci Triscoth co
1497] andiaraid co tarla a di bond bána fair.

p.52

1498] Tolluid iarom Fer Caille isa tech nonbor. In láin sin a
1499] laechu ol se. iss ed a n-imláin in fer co cind a cheli ol Driscoth.
1500] Daneci Driscoth co andiaraid co tarla a da bond bána fair.

1501] Tolluid iarom Mianach Anaidged isa tech nonbur. It bana
1502] linni ind o thair filet forsin lar ol se. Daneci Driscoth.
1503] Domfecise ol se dús in n-ebél de. Gabais a cheli a chois foí &
1504] immambert forsna tri nónboraib ro bátár isin tig iarom conná
1505] dechaid nach háe i mbethu ass eter sudiu.

1506] Congair iarom in slóg ammuich immá tech dia gabáil for
1507] Ulto. Ro láiset íarom Ulaid a tech tara cend co torchratar tri
1508] chét fón tig din tslóg ro buí friss anechtair. Dlútai in cath
1509] dialailiu. Batár iarom i n-imnisiu in chatha co medón laí ara
1510] bárách. Ro gab maidm for Ultu ar abu ar bati úati.

1511] Buí Ailill for sosad in dúine oca ndéscin. Roptar scéla
1512] innisen damsa scela Ulad cosindiu. Atchúas dam ni bátár i
1513] nHére óic a cumma dóib co n-accu ní dénat acht mebáil indiu.
1514] Is cían o as fásach ni gebthar cath cen ríg. Mád imomsa im
1515] dobertha in cath níbád chían folilastae. atchíd nim thása cumac
1516] dóib is díguin .i. sarugud domgonar imáib.

1517] La sodain ro lá Cu Chulaind begd de tresin mbudin &
1518] fordarubai fó thrí. Fordarubai dano Furbaidi Fer Bend
1519] mac Conchobair imma cuaird. ni gointis a cheli ara lechet .i. ara chaimi
1520] leo. Cid na gonair ol alaile dib in ségond sa. Ní mellach
1521] a caíne (?) dogní. Tongussa a tongas mo thúath cid cend óir
1522] no beth fair na ngénaind seo oc guin mo bráthar. benaid
1523] side sleg n-ind & adbaill de. Mutti iarom in cath for Érnu
1524] & ní ernaí acht trian díb ass. Orgit Ulaid iar sin a ndún
1525] n-uli. & aingit Ailill & a secht maccu ar nad bátar hi cath friu{folio 20b}
1526] O sin tra nír threbad Temair Lochra.

1527] Atdluí Crumthand Niath Nair ass. di Érnaib. Contric fri
1528] Richis mbanchainti tíar oc Lemain. mumme do Crumthand in
1529] ben. In farcbad mo macsa ol si. Forrácbad ol Crumthand.
1530] Tair limsa ol si co ndérais. .i. coro digla cisi dígal ol Crumthand. Co rubae
1531] Coin Culaind tara esi ol si. Cinnas dogéntar son ol éseom. Ni
1532] handsa. ma rut bet dí láim dó níbat [H] écen[M] nách n-aill chena ár
1533] fogéba i n-ascid.

1534] Lotar didiu i ndíaid in tslúaig co farnactár Coin Culaind for áth
1535]

p.53

1544] Dollotár iarom i ndegaid in tslúaig co mbatár oc dún
1545] con Culaind co feotár and insind aidchi sein. Bátár iarom for
1546] foirriuth co cend cethrachat aidche forind óenfeis la Coin Culaind.
1547] & tíagait úad iar tain & fácbait bennachtain leiss.

1548] Tánic dano Ailill anes fri hUltu co mbuí for célidi occo.
1549] Dobreth comlethet a enech di or & argut do Ailill & secht
1550] cumala cach meic día maccaib. Dolluid iarom Ailill dochum a
1551] thíri fó chori & óentaid fri Ultu. Boí iarom Conchobar iar sin
1552] cen coscrad a rígi immi céin buí i mbíu.

p.54