Corpus of Electronic Texts Edition
Lebor na hUidre (Author: [unknown])


1207] Scél Tuain meic Cairill do Finnen Maige Bile
1208] inso


1209] IAR dudecht do Finnén Maige Bile cosin toscelu i tír
1210] nÉrend i crich Ulad luid dochum laich saidbir and &
1211] nís relic isin les cuci coro throiscet ací fo domnach &
1212] nirbu maith a chretem ind laich. Asbert Finnen fria
1213] muinter. doforbicba fer maith rob dídnoba & innisfid dúib
1214] senchas Hérend.


1215] Iar sin dosfic sruith clérich{folio 15b} arna bárach matain moch
1216] feraid failti friu. Taít limsa dom disiurt ol se is dudchu
1217] dúib lotar leis & dogniat ord in domnaig eter salmu &
1218] precept & offrend. Ro íarfaig Finnen a slonniud de asbert
1219] friu de Ultaib damsa ol se. Tuan mac Cairill mesi meic
1220] Muredaig Munderc. Ro gabus for orbu m'athar a
1221] ndis[H] ert sa[A] Tuan mac Stairn meic Sera meic brathar do
1222] Partholon rob e mo lonnud tall at thús. ro iarfaig Finnen
1223] dé imtechta Herenn .i. aní forceomnacair inti o amsir
1224] Partholoin meic Sera. & asbert Finnen ná airbértaís bith
1225] aici coro innised dóib senchasa Érend. Asbert Tuan fri
1226] Finnen is ansu dún cen brethir Dé atchúadsu dun do
1227] imrarud. Is cet duitsiu trá ol Finnen t'imthechta féin
1228] & imthus na Hérend do innisin dún.


1229] Cóic gabala ém ol se ro gabad Hériu íar nilind & nís
1230] ragbad íar nilind coro chateá di bliadain .xii. ar .ccc.
1231] Is iar sein ro gab Partholon mac Sera doluid for longais
1232] cethora lanamna fichet nírbo mór amainsi cáich díb fri
1233] áraili trebsat Herind co mbátar cóic míli día sil and.
1234] Dosánic dunebad eter da domnach co n-erblatar uli acht


p.43


1235] óenfér namma ar ní gnáth orgain cen scéola do ernam
1236] esi do innisin scél dara n-esi is mesi dano in fer sin ol
1237] seseom


1238] Bása iarum o dingnu do dingnu & o aill do aill
1239] ocom imditin ar chonaib altaib na dí bliadain ar fichit
1240] ro baí Heriu fás Dolluid crini chucumsa & sentath & ro ba
1241] i n-allaib & i ndithrubaib & forémed imtecht & no bitis
1242] úama irdalta acum.


1243] Ros gab íarum Nemed mac Agnomain bráthair athar
1244] damsa & atachimsea a hallaib & basa fora imcabaíl & me
1245] mongach ingnech crín líath nocht trog imnedach. Basa
1246] aidchi and iarum im chotlud co n-aca mo dul i richt oiss
1247] allaid. Bása i suidiu & me óc & ba maith lim mo
1248] menma{folio 16a} [H] iss and sin ro radiusa na bríatra sa sis.

Lineation error: line 1249 skipped is skipped by the printer.

    1. 1250] Amnirt indiu mac Senbath
      1251] ar ro scarad re thendrath
      1252] ni fó degblad co nirt núa
      1253] atá mac Senbath senrúa
    2. 1254] Na fir sea thecait anair
      1255] cona rennaib ruamnait gail
      1256] nim thá lúd hi cois l^ i llaim
      1257] do thecht fora n-imgabáil.
    3. 1258] Starin is tairbech in fer
      1259] atagur Scemel scíathgel
      1260] nimm ain Andind ci adagind(?)
      1261] mad hé Béoin nis n-agsind
    4. 1262] Cía rom ácbad Beothach béo
      1263] Cacher is garb a garbgléo
      1264] Britan doni da gáib gus
      1265] ata fraech ferci ar Fergus
    5. 1266] Atát chucum a comdi cain
      1267] cland Nemid meic Agnomain
      1268] trén atat for ti m'fola
      1269] do chosnam mo chetgona

    6. p.44

    7. 1270] Ro córaigit dam trém chend
      1271] da beind for tri fichtib rend
      1272] co filim garbliath i rricht
      1273] ar cáemchlód aísi a hamnirt

      .a.


1274] Basa thoisechsa do almaib Herend iar sudiu o ro bá i rricht sétha. &
1275] boí alma mor do ossaib alta immum cach conair no thegind. Dorumaltsa
1276] iarom m'amsir amlaid sin fri hamsir Nemid & fri amsir a claindi.
1277] In tan iarom tánic Nemed dochum na Herend a murchoblach
1278] cetheora barca .xxx. a lín & tricha in cech báirc conos rala in muir for
1279] sechran fri ré bliadna co lleith for muir Chaisp. & ro bateá iar sin &
1280] atbathatár di gortai & d'ítaid acht cetheora lanamna namma im
1281] Nemed. Ro forbair a silsom iar sin & ro chlannaigestár co rrabatár
1282] cethri míli ar trichait lanamna and. Atbathatarside dano uli.


1283] Dolluid iarom críni & sentatu formsa & basa for teched re ndainib
1284] & conaib alta. Bása fechtas and i ndorus m'úama cuman lim beus &
1285] rofetar techt asin richt in n-araili. Ludsa iarom i ndeilb thuirc allaid
1286] iss and asbiurtsa

    1. 1287] Glasreng .i. torc me indiu eter cuanaib
      1288] am tríath tren co robuadaib
      1289] domrat i ndubi ndecair
      1290] rí na nuli i n-ilrechtaib
    2. 1291] Matan ro basa oc Dún Bré
      1292] oc comrac fri sensruthe
      1293] ba cáem mo churi dar lind
      1294] lenad ócbad aibind sind
    3. 1295] Mo churi robtar dathi
      1296] eter fiannaib i n-aithi
      1297] fogertis mo gai ma sech
      1298] for ocaib Fáil for cech leth.
    4. 1299] In tan no bimmís n-ar dáil
      1300] oc cocert breth Partholain
      1301] ba bind fri cách na canaind
      1302] ba síat biatra firthadaill
    5. 1303] Ba bind mo chocert áni
      1304] eter andrib co n-álli
      1305] ba segda mo charpat cáem
      1306] ba bind mo dord dar dubráen

    6. p.45

    7. 1307] Ba lúath mo chéim cen fordul
      1308] hi cathaib oc imforcum
      1309] ba cáem mo drech ro boí la
      1310] indium cíarsam glasrengsa.

      gl^.


1311] Bása ém for se hi sudiu isin delb sin & mé óoc & ba maith lim mo
1312] menma & bamsa rurech do thretaib torc Herend & doimchellaind mo
1313] durais {folio 16b} beus in tan ticind hisin chrich sea Ulad i n-amsir mo chrini &
1314] mo throgi. ar is i n-oenmagin no claemcloindsea na delba sin uli is
1315] airi sin no thathigindsea in n-inad sin beus do idnaidi ind athnugthi.


1316] Gabais Semion mac Staríath in n-insi sea iar sin. is dibside Fir
1317] Domnand & Fir Bolc & Galiúin. & ro trebsatside in n-insi sea fri ré.


1318] Dolluid crini & sentatu formsa iar sin & ba torsech lim mo menma
1319] & forfémmedus cach rét no gniind remi do dénam. acht basa i
1320] n-uamannaib dorchaib & i n-allaib díamraib m'oenur.


1321] Ludsa iar sin dom durais dilis do gs. Cuman lim cach richt i
1322] rraba ríam. Ro aínius mo thredan amal dogniind do gs. nim baí
1323] cumang cena. Ludsa iar sin i ndeilb segi mori .i. murrech adbul.
1324] Maith lim ón dano mo menma. Ba fortail mé for chach rét. Ba siratech
1325] imholtanach dano no luind dar Erind no findaind cach ret is and
1326] atbertsa.

    1. 1327] Séig indiu glasreng indé
      1328] ingnad alaig utmaille
      1329] ansu lim ar cach ló de
      1330] Día in cara rom cruthaige
    2. 1331] Is sochaidi cland Nemid
      1332] can réir ruirech rigdemin
      1333] úathad indiu sil Sera
      1334] ni fetar cid fotera
    3. 1335] Eter tretaib torc ro bá
      1336] cía tú indiu eter énelta
      1337] rofetarsa 'na mbia de
      1338] bíatsa beus i rricht aile
    4. 1339] Ingnad ro ordaig Dia dil
      1340] mesi & clanna Nemid
      1341] siatsom ac reir demain dé
      1342] mesi is Dia mo chomarse.

      seig


1343] Gabais Béotach mac Iardonel Fatha in n-insi sea forsna cenela
1344] ro bátar inti. is dibside Tuatha Dee & Ande dona fes bunadas lasin


p.46


1345] n-aes n-éolais acht ba dóich leó ba din longais dodechaid de nim
1346] dóib. ara n-engnaigi & ar febas a n-eolais. Basa tra amsera móra i
1347] ndeilb in tsega sin co tormaltus na cenela sin uli ro gabsat tír nErend.


1348] Gabsat dano meic Miled in n-insi seo for Túaith Dé Danand ar
1349] écin. Dollodsa dano andside i ndeilb inna séga sin i rraba co mba
1350] hi cús craind for sruth. Ro aínius nómaid andside & ro thuit cotlud
1351] form. & lodsa i rricht iaich .i. br tán aba andaide. Domchuritar Dia isin
1352] n-abaind iar sin co mba inti. Maith lim ón dano & basa setrech
1353] saithech & bá maith mo snám & no elaind as gach gabud & as cach
1354] airrceis .i. a llamaib línaige & a crobaib ségae. & o gaib iascaig co
1355] filet a crechta in [gap: faint ink/extent: 5 letters][gap: chasm in MS]


p.47