Corpus of Electronic Texts Edition
Aided na trí nAed (Author: Unknown)

From the British Museum MS Harleian 5280, fo. 49b

p.47


5] Incipit d'oighed na tri nAedh annso sís.


Áed Gustán comdalta Conaill Guthbind issé romarb
na tri hAeda isind óenló .i. Aed Sláine oc Loch Semtide,
Áed Buide rí Ó Maine oc Bruighin, Áed Rón rígh Ó
Failgi i faithci mic Mecnáin, ut dixit poeta:
10]

    1. Is eol dam-sa acht mo cel     nidam agh-sa a indesen
      d'óendóen docht iar mo corp crú     óenÓed roort tri hÁedu.
      Áed Gustán ba gránna a gal     lusca lágha lethanchar
      torc torachta iar togail tinn     comalta Conuill Guthbind.
      Geghain rígi ríghi dath     nírbo díge duinebadh
      15] socht for sóera slicht nad ró     ort tri hÁeda issan óenló.
      Aed Buidi a mBruigin cia bé     muiri hUa miadach Maine
      flaith forussta fóel an fer Óed Rón rogasta roghel.
      Art na hiarmarta cen faill     mac Diarmata mic Cerbaill
      garglí gébend im gart nglé     airdrí Érind Óed Sláine.
      20] Áed Buidi a mBrugin cia bé     Áed Sláni oc Loch Semdidhe

      p.48

      i faithce mic Mecna mór magh     robíth Áed Rón rogalach.
      Na tri rígh-sin ríghda tnú     robíth tri hÓeda a n-óenlúa
      lasan Óed cóir cíallda cain amail adfiadhaid éulaig.

      2. Is éol dam-sa.