Teit iarum cu Cnoc Raphunn co tech Fiachach. Ba bron mor la Fiacha a beith-sium amhlaidh-sud, & ro choi uime & ro fer failte fris. Ocus ro trialladh a leighes aigi iardain & tuc trian a chogair do & a leabaidh a comhairdi fria leabaidh & as e no shlonnadh aitheasc uaidh & cuigi & doberthea logh impidi dho. Ocus batar co cian fon innus-sin. Ocus teighed amach & amuigh immalle & Fiacha co minic. Co tancatar la n-aen ra taeb na Suire {O'Longan folio 182a2}6 & ro thimghair Fiacha a fhothragad, & benus a edach dhe & facbhais a laighin leathanglais tuas ag Connla. Ro gab Connla in laighin & dorat a bFiacha co ruc urrind trit. ‘Truagh sin,’ ar Fiacha ‘as bron ar braithre sin & as breis inn echta & as tre moirindlach mbidhbad doronad.’ Ocus atbeart: ‘Indlach bidbad. bron ar braithre . . .’