Ro leasaiged tra Connla ag Cormac, amal adubhrumur, cur bo inghnima & cur bo urramach & gur samluigh Ere fris ar a mhaitius. Cur ghabh leannanacht re araili mnai a Sidh Locha Gabar & gur saruigh hi gan deoin di. Ocus ro chuinnigh si ascaid fair, .i. dul le isin sith, & ní dhechaid. Tar, ar si, co tuca h'adhaidh ar an ndun anunn co n-aicet in tsluaigh, o nach teighi fein inn. Teit-sium co tard a adhadh ar an sidh. Ro indis in ben focetoir thall in gnimh doronad fria. Batar-som oc iaruidh chora fair. Ocus ni thuc. Ro mhillis ar n-einech, ar siat. Adeirthi-si, ar se, do mhillius. Millfimit-ne h'einech-sa inn, ar iat-som. Ocus tucsat a n-anala uili fai cu ro fhas bruth maeili claime o mhulluch cu bonn trid & ba himurcach dano an bruth-sin for a chinn & for a aidhidh & rob aithreac in turus-sin.