Corpus of Electronic Texts Edition
Forbuis Droma Damhghaire (Author: Unknown)
section 117
Tucad tra a sheche thairb maeil uidhir co Mogh Ruith, & a encennach alath brec con-a foluamain ethaidi, & a aidme draidhechta ar cena. Ocus dosrala suas a comuidecht na teined ind aeor & i firmimint & gabustar ac sodh & ag bualadh na teined
p.112
budh thuaidh, & ro chan in rethoric-so: ‘Saigti druadh dolbaim-si, et rel.’ Gabus Mogh Ruith ag bualadh na teined budh tuaidh iarum. Ocus gabhus Cith Ruadh fon cuma cedna atuaidh. Arai-sin, ro impo Mogh Ruith na teinnti fo túaidh, & dousrala i ceann longphuirt Cormaic & nir leic Mogh Ruith cenn do thocbhail doibh o rous turn einfhecht. Dorochair Cith Ruadh ann sidhe co n-a shlogh druadh malle ris & co n-a shlógh sidhe. Ocus ro coirghit acu-san na catha crodha commora conacaillti, & ro coirged lorg & tosach forro, & tugad leibinn sciath impa da gac leth & gabsat rompa i remthus tseda & imdheachta, or nír leicset a ndraithi doibh fosugud ra tabairt catha na comhlainn & do aithnedar dhibh maith do dhenamh intan bud eicen.