Corpus of Electronic Texts Edition
Forbuis Droma Damhghaire (Author: Unknown)
section 112
Tiagat iarsin fo chaill Lethaird frisin abar Caill Fhian aniu. Ocus is o na fiannuibh-sin Fiachach Muillethain meic Eogain ainmnighther in caill o sin ile. Doroacht leo iarum in forgnamh & in tinol ro haithnid dibh cu fosadlar in longphuirt. Ocus do raidh Mogh Ruith ra Cennmhar: ‘Atto &
p.108
innil ramhthus na teined.’ Ro eirigh Cennmhar & as e suidiugud tuc furre amal bis coichin tre-eochair & tri huilli fair acht batar seacht ndorais forri & ni ra butar acht tri doirrsi ar in teinid thuaidh. Ocus dano ni raibi suidiugud na corugud forre, acht a chur n-a cheann cheana in connid.