Corpus of Electronic Texts Edition
Forbuis Droma Damhghaire (Author: Unknown)
section 110
Ord Cormaic immorro gabhustar for agallaimh Cith Ruaidh, & ga fhiafraighidh dhe in rai bhi aigi fortacht ar na sloghuibh. Ni fhil, ar Cith Ruadh, ni not cobra, acht tene druadh do dhenamh. Cinnus dogniter saidhe?, ar Cormac,
p.106
& ga tarbha a dhenamh? Mar so, ar Cith Ruadh: Eirgit na sloigh fon caill & tabhrat cairthenn leo ár is ann saidhe ata formna ar ndala-ne. Ocus as doigh freicerthar anes sin & o thairset na teindti d'fatud bidh cach oc forchoimet a theined. Ocus, da mad edh no bhiath ann cu mad fo dhes no impuigdis na teinnti (& ni saeilim), ar Cith Ruadh, rob maith in leanmain for firu Muman uaib-si. Ocus mad anes impuit, beridh-si sibh fein as, ar bid oruib meabhus gid airi-sium doghnithe. Tiagat iarum na sloigh fon caill acht mad suail bec im Cormac, & tucsat connadh caerthainn leo.