Ro fiafruigh Mogh Ruith arnamharach: ‘Ga cabhuir is fearr libh raghus duibh innosa?’ ‘An cnoc do thairnium’, ar siat, ‘ár is mor in muich & in phlaidh dhun ar námaid do beith uas ar cinn i n-ardcnoc druidhechta & sinn fein i bhfan, & conid radarc dhun a bhfhegad uain suas ar airdi.’ ‘Tabhur mh'agaidh risin cnoc,’ ar Mogh Ruith; & tugadh on co hinilldireac. Ocus o thugad dochoid-sium i muinighin a dhea & a cumhachta & ro aidhbligh he fein cu nar bhó nemhairdi he anas in cnoc, & ro mheduigh a chenn co mba meidether re hardchnoc ara mbiath daire unit="O'Longan folio" n="177a1"> cailli moire, gur ghabhustar uamon cid a muinter fein roime.