Corpus of Electronic Texts Edition
Forbuis Droma Damhghaire (Author: Unknown)
section 67
Ro faem-som tra in tir-sin & asbert ra clannaib ag tabairt a teasta .i. coimhneimh inntibh & comchonnailb & comthuaichlius fria nathrachuibh etorra-sein, ar is amlaid bít-sein & nai nathracha dib oc doth isin n-aoinnit & as i lianchaire bís etorra cu nach mo leasaighius gach naithir dibh in t-en berius fein ina gach en archena bis isin nit. ‘Is amlaidh-sin erbaim-si dom claind a mbeth i n-aeingnim & cein bheth amlaidh ní béra crich
p.68
impaibh a n-imarcraigh & níis lemha nech acht in in ti2 foirgea airdri in coicidh; ár ní ra daingnib eli doberim-si toebh dhoibh, acht ra a connailbhi fein eturra, & ra hemghibh mo chor & ra muinnteras shil Fhiachach. Intan dano na comallfa cach dibh fria cheile sin, is ann raghuid in lucht da tabhraim-si sochar aniu ar tairr mu clainne-sa, co mberat a bhferunn uathaibh co mba hiaraid iat fein3 ar in ndith ragus forro ind, & con n-eipre in fer dona sleibibh impaibh ‘nach he-sud in tír i ra butar Fir Maighi seghdha.’ Is airi atberair Fir Maighi seghdha dibh ar is eadh erbaim-si friu, ildana & seghdhacht acu & fer imarbhadha Muman tria bithu.’