A h-aithle na himacallmha-sin dona draithibh {ms folio 171b2} atcualatar gille thurusa & graigbertaigh & daescarsluagh gne na himarbhadha a n-imagallaim na ndruadh & dochuatar tar in sruth a ndegaidh in druadh ba h-anaithintiu dhoibh & rucsat leo run bais & oigedha dho. O ro rathaigh in drai sin ro impo for in sruth & tuc tri builli don fhleisc draidhechta do bui n-a laim don tsruth gur eirigh & gur fhorbair frisin sluagh. Ocus is amhlaidh ro bhai in slogh, & drong mhor dhibh ar ndul dar in sruth siar i ndeghuidh in druadh & drong mor ele isin sruth