Gabus Cormac in-a righi osin amach cu tainic in bodhith; ger amnus didiu Cormac, ni ro rathaigh in bodhith no gu tainic, ar is de ro bhui i cinniud soudh a fhlaithiusa fair. Tucadh tra a chana dligid do Cormac in bliagain-sin as gach cuicedh do cuig cuigeduibh Eirenn, .i. nai fichit bo as gach cuicedh; ro fhoghuil Cormac in cain-sin fo seacht primhtuathaibh na Teamhrach, ar dochoidh dith for a mbuaibh & nir fhacaibh laim ar cula aigi cen fogail.