{ms folio 169a1} Dá shaorclaind socheneoil batar ind Erinn; as iat luatter o sunn amach .i. Fiacha Muilleathan mac Eoguin dalta Moga Ruith & Cormac mac Airt mheic Cuinn. Ocus in oenlo ro marbait a dha n-athair i cath Mucraimhe; ind oenlo amh doronuit .i. in Mhairt re ndul a cath Muighi Mucraimhe; ind oenló aili rucait .i. in Mhairt i cind secht mis on Mairt sin & dano da shechtmhisaigh iat diblinaibh.
Ro ghabh Cormac righi nEirenn fria ré fhoda; i cinn treill iarum ro ghabh Fiacha righi Mhuman fria linn Cormaic.