1] {MS Harleian 5280 folio 48a}Baili Binnberlach mac Buain. Tri hui Cabha maic Cinga maic Rosa maic Rudraigi: Monach & Baili & Fercorb, de quibus Dal m-Buain & Dal Cuirb & Monaig Arad. Oenmac Buain .i. Baili. Ba saincais-seom di Aillinn filia
5]
Lugdach bein Fergusai Goo, no di deir Eogain maic Dathi & ba sainamor do cech oen atchid & dicechlad eter issai & genai ar a urriseib. Corrusdailset coir dala i n-dormainecht ic Ros na Turigin occ Laind Moelduib ar bru Boinne Breg.
10] Dogene an uir atuaid dia torrachtoin o Eomuin Machi tar Sliauh Fuaid & tar Teme Muiri co Traig m-Baili. Ro turnaid a n-drubai & russcuirid a n-gabrai for an rindiuc dia gleth. Digensad ainius & oibnius.
A m-botar ann conacatar elpoid uathmor ænnoé cugo
15]
indes. Ba hudmall a rem & a ascnamh. Meti les noraited in trogain sín sighi seig di aild no clo do glasréin. A clipio fri tir. Ar a cind! ol Baile, conatcomaircter nde cid ted no canus tanuic no cia fath a cudnoidh. Di Tuaig-Inbir tiagoim & tar ais budthuaid anussai o
20]
Slioab Suidiu Laigeon & nintha do imtecht liumm acht no Lugdach maic Fergusai tuc grad do Baili mac Buain & tainic dia dal, corucsat oic Laigevn fuirri & bathaid, amail rusgellsad draide & degfaidi doib, na comraicdis a m-bethaid et conricfaidis iarna nás & nach scerdais tre bithu sir. Is
25]
siad sin mo scelai. & 'musteti uaib iermo & niptar cuimgech a fostad. Otcechlai Baile anni sin crinniur marb cin anima & clandtair a fert & a raith & saitir a airne & dogniter a oenuch guba la hUllto. & lossaig {MS folio 48b} eo trian lige combo reil delb & fuaith capaid Baili for a
30]
ind, unde dixid Traigh m-Baili.
Iarom 'musla buddes in fer cetno co forad a m-bai an ingen Aildinn & docing isan grianan. Can tic anti nat aithgenamar? ol ind ingen. A fochlai Erend o Tuaig-Inbir & secha so co Sliab Suidi Laigen. Scelai lat? ol
35]
in ingen. Ni fuil sceloi is cointi sund, acht adconnorc Ultai ac oenuch guba et oc cloidi ratha & ic sadad lia & ac graifned a anma Baili maic Buain rigdamnoi Ulad do thin Trago Baili, et se ic torrachtain lennain & mna serce dia tard tal, ar ni fuil a scoth doib coristais a m-bethaid no
40]
nech dib d'faircsin aroili ina m-biu. Dobidg amach iar n-indiuld an misceoil. Difuit Aillinn marb cin anmoin & claitir a fert &rl. Et assoid abhold trian lige & ba gesco mor a cind septimo anno, & fethol chuid Aillinne for a uachtar.
45] A cind secht m-bliadan dana tescait mail & faidi & fisidi int év boi os Baili & 'musgniet tauhull filiud nde & scribait fise & fese & serco & tochmarco Ulad inni. Fon fiu cetni scriutar tochmarco Laigen inti-si.
Doruacht ant samhuin iarsuidi & dogniter a fes la hArt
50]
mac Quind. Tolotatar dil & aes cacha danai fon fes sin amail ba bes & doradsad a taibli leo. & dusci Art & otconnairc 'muscomairc. Et tucad cuce in di tabald co m-batar ina lamoib eneuch a n-inchoib. Imusling an tabold for araili dib cor' imnaisced amail fethlind im urslait. Et ni
55]
tualaing a n-imscarad & batar amail gach sed isan taisced i Temraig, curusloisc Dunlang mac Enda diar'ort an in-genraid, unde dixit:
- Aboll Aildinde ardai,
ibor Baili, becc forboi,
60] cia dobertar au laidhe,
ni tuicid daine borba.
Et amail adbert ingen Cormaic ui Quinn:
- Es fris samlaim Aluime,
fri hibor Traga Baili,
65] fris combaroim aroili,
frisan abaild a hAili.
Fland mac Lonain dixit:
- Desid Cormac im cel coir
conid fris format ant sluaig,
70] tabrad Dia airi noeb nár
in craeb do Traig Baili buain.
- Forbuir bili buidnip reb,
rolaa a delb truimib tor,
diarcelgad rocelgaid fir
amlaid sin rocelgaid cor.
75] Cormac dixit[...]