¶1] Áed mac Ainninne dochomraic re Mughain {MS page 9} Aitinchairchech & ben Conchobair in Mugain115 sin. Fili Conchobair in tÁed. Rofes forro a mheith amlaid.
¶2] Iarsin rohergabad la Conchobar in fili & rochuinnig116 in fili comad hí a aided a bádud117 & ro[...]118 Conchobar dó inní sin & nobertha iarsin dia bádud dochum gach locha a nÉrinn & nocanad som bricht forsan usci, go mbenta gach tráig & co nach bíd banna ann, co ná raibi a nÉrinn abann119 ná loch nobáidfed, co ndechus lais do Loch Lái a ndorus tighe Lóegairi. Roféimid som in hricht forsin loch. Antan didiu robás ac a bádud, as ann doriacht rechtairi Lóegaire asin lis amach. ‘Fé amai, a Lóegaire!’ or sé, ‘ní fríth a nÉrinn baile a mbáitea in file co ráinic in baili si.’ Atracht intí Lóegaire & geibid a chlaidem ina láim & ac léim dó imach benaid a mullach imon fordorus go ruc in leth iartharach do cloicenn de, co mbói sprethach a inchinde for ab rot & romarb som iardain tríchait do lucht in báiti & roélo Aod úatha & atbath Lóegairi iartain. Conid hí Aided Lóegairi connuici sin.