Corpus of Electronic Texts Edition
Verba Scáthaige (Author: [unknown])
Incipiunt uerba Scathaige fri Con Culainn oc scarad doib isna rannuib tair. Ro scaith do Choin Culainn lanfogluim in milti la Scaithaigh. Do aurchechain Scathach do iarum ind ni arad m-biad, con-eipirt friss tria imbass for ossna.

    1. Imbe eir hengaile
      arat-ossa ollgabud
      huatha fri heit n-imlebair .i. tain bo Cuailgne
      Cotat curaith ciallfaithir
      5] fortat braigait bibsatur
      bied do chailcc culbeimnech
      cruoch fri srut Setanta .i. proprium nomen do Choin Culainn.
      Tithis fithog foibharamnus
      fethal feula fedchlessaib
      10] fearba do Breig m-braitfiter
      braighit di thuaith tithsithir

      p.488

      tren cithach coictigis
      cichis do buar m-belata
      ba hoín fri slog sirdochrae
      15] silfis de fhuil flandtedman
      fernaib ilib idlochtaib
      cuan dia-lilis loscandaib
      lin do-fedat ildamaib
      ilar fuili firfith-
      20] for Coin Culainn cen colainn
      Ceisfe alag n-enchride
      al de dalaib dedairbe
      didirn brodircc brisfithir
      bruthaich fri toinn trechtaide
      25] frissin m-belend m-bandernech
      belenn di chet clesamnach
      cichet biet banchuire
      baiti Medb sceo Aillellai
      arat-osa ollgabadh otharlighi.
      30] Ucht fri h-echtga irgairgi
      at-chiu firfeith Finnbennach Aei
      fri Donn Cuailngi ardburach & cetera.
    2. Bonn. R. Thurneysen.