Corpus of Electronic Texts Edition
Fled Bricrend (Author: Unknown)

section 94

‘Ni coir emh oinech cuigid do breth araí oinfhir dotesbaid dib h-oc díden a noinich, & bes nib nessamh ecc dossuidhe oldas doidse.’ ‘Ni h-oc a imghabhail dono atus-sa anní sin.’ ‘Findamair tra do cheisd’, ol Fercus mac Roig. ‘Acht co rodamthar fir fer daumh’, ol se, ‘addober.’ {folio 9a1} ‘Is coir em fir fer do comaldnud friut-sa immoro’, ol Sencuo mac Ailella, ‘ar ni


p.176

fir daum do sluag mor muindtriomuil prised for oinfer nanaichnid netorrui. Et ba doicch linn’, ol Senchui, ‘mad cus trasdoi fuagebta ainfer do dingualui sunn.’ ‘Faccuaimse dono Concupar fria laim’, ol .ui., ‘daig hi rigi, et facuim Ferccus mac Roich daich a coitechta, & cibe dib’, ol .ui., ‘rismadseidir cenmotháa h-in dioas sin, toet co ntallursau a cend de h-inocht & co talla mo cenn diom-sa h-imbaruch d'adhuich.’