Corpus of Electronic Texts Edition
Fled Bricrend (Author: Unknown)

section 83

I mbatar co diaid lai co trath na faire, luid Connall Ceruach isan suidi fairi, uairi ba sine oldass Cuchulaind. Fo an innus cetno dno amul tarlui di Loegairi uili an adaidh cetna toisich. In tres aidci dno luid Cuchulaind isan t-suide fairi. Ba si sin adaigh rusdalsad na tri Glaiss Seschinn Uairbeoil, tri Buaideltaig Bregh & tri maic Dornmhair Ceoil di orcain inna catrac. Ba hi dano adhaidh roboi hi tairrngiri don peist roboi issin loch hi farrud na catrach fordiuchlaim lochta in puirt uili eter doine & innile.