Corpus of Electronic Texts Edition
Fled Bricrend (Author: Unknown)

section 40

Dolluid vero Ququlaind ina carput ier niamadh a fuilt & ier na sleamhoncíradh ar an sligid cetna, fep docotar cach do etergleo an imresna & erruid Ulad immon curadmír, conustarraid an duibciach draigechtac cetno, amal tarraid an luchd remi, co ruslion an cobes dimhain diqlui iter nemh & talaumh. {folio 7b2} Tairlingis Cuchulaind isan maigin sin & chuiris Loeg a eocha isan fergort cetno. Niruo cian boi ann co naco an fer cendgarb corpremur quici co na madán magluirge ina laim, amal ticed remhe. ‘Cia tussa, a gilla’, ol se co h-andiarraid. ‘Ni me ata cin ticernai’, for Loeg, ‘Cuchulaind mac Subaltaim.’ ‘Maith on an cach fil ann’, ol in t-oclach, & tocuaid fair an madan & dobreth beim do o a cluais co a caruidh. Garthis Loeg. Atetha Cuchulaind a gaiscet & focerd cor niach nerred nde docum an scail & di foridin Loigh. Dercuis cach hi celi dib. Ba feig immoro & pa forgranna an fegadh & an frithailiom dorat cach


p.171

dib for a celi, Cuchulaind & an scal. Immacomhtuairc doib iersin & doberid Cuchulaind da beim im gach mbeim do-ssom, .i. tathbem & bem co comus, co roforuaislig Cuchulaind a bruth & a brig an scail, co-rrosdislig na h-eocha & an aruid, & co ruc eocha & arudhai an lochta oili uaid, .i. Conaill & Loegairi, fo an cuma cetno. Luid Cuchulaind remi cou Heomain Macha a ndiaid an lochta oili & dobretha a n-eoucha & a n-arudha doib.