Corpus of Electronic Texts Edition
Fled Bricrend (Author: Unknown)
section 38
Iarsin fiarfoidis an taithioch do araidh Laogairi Buadaig,
can do & cuich a tigerna. Ni ansa, ol in tara,
Loegairi Buadach mac Connbuide maic
Iliach mo tigernus-sai.
Is gilla degtigerna on, ol an scal, & is amlaid
adbert anní sin & dotocaib a madan
magluirci & dobreth bem do o cluais có a caraidh. Cnetais &
p.170
iachtais & eghmis an gilla iar facbhail an moirimnid & an eccomlainn.
Fé amae, or Laegairi ac cloisdin íacta an arad. Lasodain atracht Loegairi focetoir co na armgaisced dia foiridhin. Immacomrainic
doiuh & dano ni raibi ba do sotain di Loegairie. Tocuaid
an scal a madan magluirci & dobreth beim do o a cluais
co a caraid co-rtoitset a airm uaid cin comus. Techis Loegairi
Buadach iersin fo melui & fo mebail, co ranic Eomain Macha ier
facuhail a h-ech & a arudh & a airmgaiscid.