Corpus of Electronic Texts Edition
Fled Bricrend (Author: Unknown)

section 42

Tochim Ulad do Chruachnaib Ai.

Toichim Ulad do Cruacnaib Ai budestai. {folio 5b1} Dia tri la & teorai n-aidhce iarom dolotar Ulaid uili a mbretimnus nAilella maic Magach co Cruchnai Aei iman curadmir & im imarbáig ina mban. Ba cain & ba h-aibinn & ba sochraid a-rrem ronucset do Cruachnaib. Anais immoro Ququlaind coleic di eis Ulad ac airfitiud ban n-Ulad .i. nai nubla-clis & .ix. cletini-clis & noi scenai-clis, & ni tairmiscad nach ae a celi.