Corpus of Electronic Texts Edition
Fled Bricrend (Author: Unknown)
section 31
‘Fir, a ben’, or Connall, ‘taed ille in gildai clesuch sen,
co comairsim.’ ‘Náidi’, ol Cuculaind, ‘am scit
annossai, cond esar biad & co rocodlur.’ Ba fir do-som anni
sen, fodaigin ised la insin immacomrainic do-som frisan Liadh Macha a
toib Linde in Leth.
p.160
Rosealaig Cuchulaind cuci, co tarad a di laim ima bráigit,
co-rrustairmceld tir n-Erend fon indus sin, co toracht in adaich
sen co na eoch ríetai les co tech m-Bricrend a ndaun Rudraige.