Isbert Fedilm Nocridi, ben Laegairi Buadaigh:
.R.
- Codumbert-sa bru soer sruith | dim cloinn comcineoil
cin-siu do curp rigna sceo rig | richt forcaine costud
conid cruth buidech bertar uaim | noithim crut cain.
Consert la febha feniu | fogart gen-siu genuss
luchdonn laimdercc Loecairi
lin bemand mbalc mbuada | berus ar iath n-Ulad
arslig cricha comnamat.
Imusdich immusdecrathar imgoin
airri airdercai laechaib Laegairi
lin a bhuadhai bias os cech laech.
Cid na budsi in Feidilmmsi Findcoemh | crutbuaduch buageltach
cichsed ria cech mnai | hi tech medrach Midcuarta?