Corpus of Electronic Texts Edition
Fled Bricrend (Author: Unknown)
section 20
Tiagait ass ierom na tíura buidhne, co mbatar a noenmaigin
.i. teora fuithirbi on tich, & ni fidir nech dib a imcosaid
do Bricrind . Totegad dia tich lasodain. Tochim fosaid ninmallai
n-alainn isin cetno futhirbhi, is ing ma rouc nech ndib a
cois sech aroilie. Ind fuithairbe tanasi immoro ba miniu & ba
p.155
luaithi a nimtecht isuidiu. An fuithairbe ba nesai den tich, is
amlaid ruc cec ben die setci ar ecin et tuarcabsed i lenti commeldaibh
inda laarc do imcosnam dul isan tech ar tus; uair ised
adubairt Bricriu rie cech ai timchiul aroili, is hi roba bannrigan
an coicid uili anti ced a targad isan tech. Ba si mét a fotrainn
tra oc imtecht oc imcosnam tosaich cach aei riana celi, amal bid
fotrann .l. cairptech tísad ann, co forchroth a rightec nuili
& co
roeblangatar an laith ghaili dia ngaisciud, co folmustar cac dib
a celi isan tich.