Corpus of Electronic Texts Edition
Fled Bricrend (Author: Unknown)

section 11

Iar n-imcosaid Conaill Cernaig do amal robo data les, dolleici am buidin Conculaind. {folio 3b2} ‘Maith sin’, ol.ui. ‘ a


p.152

Cuculaind, a catbuadaig Bregh, a ligbrataig Line, a mactretill Emna, a lendain ban & ingen n-Ulad & Erend! Ni lesainm dit anú Cuculaind, uair is tussa qu urbaga faili la h-Ultai, doemh a morgresai & a morergalai & saighius a chert da gac aen uaidib, & ni nad roichet Ulaid uli, rosaigesi t'aenur, & adaimed fir Erend uili do gail & do gaisced & do gnima-s . Cid doid-si iarom an curadmir do lecadh di neoch aile la h-Ulta? uair ni tualaing nech de feraib Erend a cosnam frit.’ ‘Tongu-sa a toing mo tuath immoro’, ar Cuculaind, ‘bid cia gan cend antí ragus dia cosnam frimmsae!’ Scaraid dano Bricriu friu arsin & tet a comhaidecht an t-sluaig, amal na denadh eter a n-imcosait.