Is de sen do luid Forcoll Monach docum n-Eumno Machi isna Gaillecuscaib, amail batís iatd techtæ rig Gall tissed di acaldoim Concvboir co n-imcomarc do di orduisib Finngald & cechai maithiusai arceuna. Triar bá s-sed a lin. Feurthar failti moir fris ierum. O rola iarum a muindterus dia in tress læi, molaigter Cú Chulaind & Conald & errid Ulad arcena fiadai. Aspert com ba fir & ba h-amro conclissed na h-errid. Acht ceno nama, dia rissed Cu Culaind Domnall Mildemon ar Alpi, ro bad amraide a cliss & die rissed Scathaig de morfoclaim anmilti , ro derscaidfed curæ Eurpæ uli. Acht