At-chúas do Fergus íarum an-í-sin ocus do Dubthach ocus do Chormac. Táncatar side co-ndernsat gníma móra fo chétóir .i. Dubthach do marbad Mane maic Conchobuir ocus Fiachna mac Feidilme ingine Conchobuir do guin dond óen-forgab ocus
195]
Fergus do marbad Thraigthréoin maic Traiglethain ocus a bráthar ocus sárugud Conchobuir impu ocus cath do thabairt eturru íar sin isind óen-lóu co-torchratar tri chét de Ultaib eturru ocus ingenrad Ulad do marbad do Dubthach ría matain ocus Emain do loscud do Fergus. Is ed lotar íarum co Ailill ocus co Meidb ar
200]
ro-fetatar is sí lánamain foda-róelsat ocus dano ni-bu chúl serce do Ultaib. Tricha cét ba é lín na lloingse. Co cenn sé m(dot)blíadna déc niro-an gol na crith leu i n-Ultaib acht gol ocus crith leu cech n-óen-aidchi.