Corpus of Electronic Texts Edition
Longes mac n-Uislenn (Author: [unknown])
section 12
Fecht n-and didiu luid in rechtaire matain moch co-rralai
145]
cor imma tech-som. Co-n-accae in lánamain inna cotluth.
Do-chúaid íar sin coro-dúsig in ríg.
‘Ni-fúaramar-ni,’ or-se, ‘mnaí do dingbála-so cosin diu. Atá i fail Noísen maic Uislenn ben dingbála ríg íarthair domuin. Marbthar
p.47
fo chét-óir Noísi ocus foath in ben lat-so,’ ol in rechtaire.
150]
‘Acc,’ ol in rí, ‘acht eirg-siu dia guidi dam-sa cech láa fo chlith.’
Do-gníther ón. A n-at-bered immurgu in rechtaire frie-si chaidchi, ad-féded-si dia céliu in n-aidchi sin fo chét-óir. Úair naro-étad ní dí, no-erálta for maccaib Uislenn dul i ngábthib ocus i cathaib ocus i ndrobélaib ar dáig coro-mmarbtais. Ar-aí-de batar sonairti-sium
155]
im cech n-imguin connar-étad ní dóib asna amsib sin.