125] Lotar maic Uislenn i-mmach do thairmesc a mbráthar. ‘Cid no-taí?’ ol-seat. ‘Na 'mma-ngonad d'Ultaib it chinaid!’
Is and at-chúaid dóib a ndo-rónad friss.
‘Biaid olc de,’ ol ind óicc. ‘Cía beith, noco-bia-so fo mebail céin bemmit-ni i mbethaid. Ragmai-ni lee i tír n-aili. Ni-fil
130]
i n-Hérinn ríg na-tibre fáilti dún.’
Batar eat a comairli. Ro-imthigsetar in n-aidchi sin. i. tri coícait láech dóib ocus tri coícait ban ocus tri coícait con ocus tri coícait gilla ocus Derdriu i cumusc cáich co-mbaí etarru.