Cid dia-mboí lonnges mac n-Usnig? Ni ansa. Bátar Ulaid oc ól i taig Feidlimthe maic Daill, scélaigi Conchobuir. Baí dano ben ind Feidlimthe oc airiuc don t-slúag ósa cinn is sí thorrach.
5]
Tairmchell corn ocus chuibrenn ocus ro-lásat gáir mesca. A mbátar do lepthugud, do-lluid in ben dia lepaid. Oc dul dí dar lár in taige, ro-gréch in lenab inna broinn co-closs fon less uile. At-raig cach fer di alailiu is'tig lasin scréich í-sin co-mbátar cinn ar chinn isin tig. Is and ad-ragart Sencha mac Ailella:
10]
‘Na cuirid cor díb!’ or-se. ‘Tucthar cucunn in ben co-festar cid dia-tá a ndeilm se.’
Tucad íarum in ben chucu.