Doluid in mac dia secht mblíadan do chuindchid
13]
a athar. Is and bátar Ulaid i n-óendáil oc Trácht Éise
14]
ara chiund. Co n-accatar in mac cucu íarsind fairci &
15]
luingine chrédumai fo suidiu & rámada dí-órdai ina
16]
láim. Carn cloch aici isin luing. Dobered cloich ina
17]
chrandtabaill & dosléiced táthbéim forsna héonu, co
18]
ngaibed na hairberta díb, ot é beóa, conda léiced
19]
úad isind áer doridisi. Imfuirmed a charpatchles
20]
eter a dí láim, conná tairthed súil. No glésed a guth
21]
dóib, conda foilged indara fecht. Dosnúisced in
22]
fecht n-aile.